दरबारमार्गबाट ९८ लाख रुपैयाँसहित २ जना पक्राउ

२८ वैशाख, काठमाडौं । काठमाडौँको दरबारमार्गबाट प्रहरीले स्रोत नखुलेको ९८ लाख रकम सहित दुई जनालाई पक्राउ गरेको छ । पक्राउ पर्नेमा दुई जना पुरुष  रहेको प्रहरी स्रोतले जानकारी दिएको छ ।
 
प्रहरीले उनीहरूको नाम सार्वजनिक गरेको छैन ।  दरबारमार्ग स्थित जय नेपाल हल नजिक गाडीमा रकम लिएर हिँडेको अवस्थामा आरोपीहरू पक्राउ परेका हुन् ।  घटनाबारे काठमाडौं उपत्यका अनुसन्धान कार्यालयमा पत्रकार सम्मेलन गरेर जानकारी गराइने प्रहरीले जनाएको छ ।