कैलाशकुट सामाजिक अभियानको आँखा शिविरबाट तीन सय लाभान्वित

२० जेठ, काठमाडौं । काठमाडौं महानगरपालिका वडा नं. ५ स्थित सामाजिक संस्था कैलाशकुट सामाजिक अभियानले शनिबार आयोजना गरेको  शिविरमा तीन सय जनाको आँखा परीक्षण गरी निःशुल्क औषधी वितरण गरिएको छ । 

संस्थाका अध्यक्ष महेशकुमार श्रेष्ठका शिविरमा तिलगङ्गा आँखा अस्पतालका  चिकित्सक एवं स्वास्थ्यकर्मीले सेवा प्रवाह गरेका थिए । शिविरमा ज्येष्ठ नागरिकलाई निःशुल्क चस्मा वितरण गरिएको थियो । यसअघि पनि अभियानले वडाबासीलाई लक्षित गरी मधुमेह र मुटुरोगसम्बन्धी चेतना मूलक कार्यक्रम आयोजना गरेको थियो । शिविरका लागि लक्ष्मीनारायण देवस्थल सेवा समितिले पनि सहयोग गरेको थियो ।