फोहर नउठाएको भन्दै स्थानीय युवाहरुले नगरपालिकाको मूलगेटमा थुपारे फोहोर

३२ जेठ, रौतहट । रौतहटको चर्चित कटहरिया बजार क्षेत्रको फोहर उठाउन विरोध स्वरूप स्थानीय युवाहरूले कटहरिया नगरपालिका भवनको मूल गेटमा फोहोर थुपारेर विरोध जनाएका छन् ।कटहरिया बजार क्षेत्रको फोहर नउठेको भन्दै आक्रोशित युवाहरूको समूहले शुक्रवार दिउँसो नगरपालिकाको मूल गेटमा एक ट्याक्टर फोहर फालेर विरोध जनाएका हुन् ।

नगर प्रमुख अजय प्रकाश जयसवालले नगरको सरसफाइमा ध्यान नदिएको भन्दै स्थानीय युवाहरूले गुनासो गर्दै आएका थिए । फोहर फाले लगत्तै मेयर जैसवालको आव्हानमा युवा समूह, स्थानीय व्यापारी, सुरक्षाकर्मी, सञ्चारकर्मी जनप्रतिनिधिहरू लगायत सर्वपक्षिय आकस्मिक बैठक बसेको थियो । 

बैठकमा मेयर जैसवालले प्राविधिक कारण बस पछिल्लो तीन दिन देखि बजार क्षेत्रको फोहर उठ्न नसकेकोमा गल्ती स्वीकार गरेका थिए । बैठकमा मेयर जयसवाल र स्थानीय बीच २ बुँदे मौखिक सहमती भएको छ। बजार क्षेत्रको फोहर दैनिक उठाउने र बजार क्षेत्रको बाटोमा बिहान बेलुकी पानी पटाउने सहमती भएको छ । 

सहमति लगत्तै अपरान्ह मूल गेटमा थुपारिएको फोहर व्यवस्थापन गरिएको छ। मेयर जयसवालले आउँदा दिनमा त्यस्तो कमी कमजोरी नहुने प्रतिवद्धता जनाएका छन् ।