पाकिस्तान टी-२० विश्वकपबाट बाहिरियो, अमेरिका सुपर ८ मा

१ असार, काठमाडौं । पाकिस्तान जारी टी-२० विश्वकपबाट बाहिरिएको छ । समूह ए बाट अमेरिका सुपर आठमा पुगे सँगै पाकिस्तान समूह चरणबाट नै बाहिरिएको हो । गएराति हुनुपर्ने अमेरिका र आयरल्याण्डबीचको खेल वर्षाले रद्द भएपछि समूह ए मा अमेरिकाको ४ खेलमा ५ अंक भएसँगै सुपर आठमा पुगेको थियो ।

समूह ए बाट भारत यस अघिनै लगातार तीन खेल जितेर सुपर आठमा पुगिसकेको छ । पाकिस्तानले सुरुका दुई खेलमा लगातार हार बेहोरेपछि सुपर आठको सम्भावना कठिन बनेको थियो । तेस्रो खेलमा क्यानडाविरुद्ध जित हासिल गरे पनि अब पाकिस्तानको विश्वकप यात्रा टुंगिएको छ । अब पाकिस्तानले आफ्नो अन्तिम खेल आयरल्याण्डविरुद्ध खेल्ने छ ।