प्रधानमन्त्री ओलीको निर्देशनपछि खुल्लामञ्चमा डोजर : कांग्रेस नेता भीमसेनदास

काठमाडौं । नेपाली काग्रेसका नेता भीमसेनदास प्रधानले प्रधानमन्त्री केपी शर्मा ओलीको निर्देशनपछि खुल्लामञ्चमा डोजर लगाईएको स्पष्ट पारेका छन् ।

खुल्लामञ्च बचाउ अभियान्ताहरुले शनिबार काठमाडौमा आयोजना गरेको पत्रकार सम्मेलनमा उनले खुल्लामञ्चमा अवैध पसल टहरा निर्माण भएपछि चौतर्फी दवाव आएका कारण प्रधानमन्त्रीले नै अवैध टहरा हटाउन निर्देशन दिएको बताए ।

उनले काठमाडौं महानगरपालीकामा मेयर उपमेयरको द्धन्दका कारण कुनै समस्या समाधान नहुने देखिएपछि आफुहरुले यस बिषयमा प्रधानमन्त्रीको ध्यानाकर्षण गराएको र प्रधानमन्त्रीले सकारात्मक कदम चालेको समेत बताए ।

प्रधानले नगरपालीले आफसंग भएको अधिकार प्रयोग गर्न नसकेको आरोप पनि लगाए । उनले महानगरको मिलोमतो कै कारण खुल्लामञ्च अतिक्रमित भइरहेको भन्दै यसमा संलग्न जोकोहिलाई पनि कारवाही हुनुपर्ने धारणा राखे ।

त्यस्तै प्रदेश नं ३ का सांसद बिराज भक्त श्रेष्ठले सार्वजनिक सम्पतीको संरक्षणका लागी दलिय स्वार्थभन्दा माथि उठेर काम गर्नुपर्ने बताए । उनले हरेक नेपालीमा मुलुकको अपनत्व हुने महशुस सरकारले गराउनुपर्ने तर्क गरे ।

पत्रकार सम्मेलनमा स्थानीयहरुले सरकारी सम्पतीलाई आखा लगाउने माफियालाई जनताको माझ ल्याउनुपर्ने भन्दै अव स्थानीय तह र जनता जागरुप हुनुपर्ने बेला आएको धारणा राखेका थिए ।