निगमले पायो सातवटै प्रदेशमा ‘ग्यास बोटलिङ्ग’ खोल्न स्वीकृति

काठमाडौं । नेपाल आयल निगमले देशका सातवटै प्रदेशमा ‘ग्यास बोटलिङ्ग’ उद्योग खोल्ने बताएको छ ।‘ग्यास बोटलिङ्ग’ ग्यास आपूर्ति सहज गर्न ग्यास रिफाईन गर्ने उद्योग हो। निगमले बोर्डबाट उद्योग खोल्नका लागि कानूनी स्वीकृति पाइसकेको छ।

अब कार्यविधि बनाएर उद्योग खोल्ने प्रक्रिया सुरू गर्ने निगमका प्रवक्ता विरेन्द्र गोइतले जानकारी दिए।  ‘उद्योग खोल्नका लागि बोर्डबाट कानूनी स्वीकृति पाइसकेका छौंं। अब कायविधि बनाएर अघि बढ्छौं’, उनले भने।

उद्योग स्थापनाका लागि झापा र जनकपुरमा निगमको आफ्नै जग्गा छ। अन्य ठाउँका प्रदेश प्रमुखसँग भने छलफल भइरहेको गोइतले जानकारी दिए।

नेपालमा अहिलेसम्म निजी क्षेत्रले मात्र ग्यास रिफाईनिङ गर्दै आएका छन्। ग्यास रिफाइनिङ गर्ने निजी क्षेत्रका करिब ५५ वटा उद्योग छन्। निगम आफैले ग्यास बोटलिङ्ग उद्योग खोल्ने नीति तथा कार्यक्रममा उल्लेख गरिएको छ।