तमिलनाडु दुर्घटनामा पाँच विद्यार्थीको मृत्यु

२८ साउन, चेन्नई । तमिलनाडुमा एउटा दुखद दुर्घटनामा कम्तीमा पाँच कलेज विद्यार्थीको मृत्यु भएको छ । सो दुर्घटनामा परेर घाइते भएका २ विद्यार्थीको अस्पतालमा उपचार भइरहेको छ । 

 जानकारी अनुसार उनीहरुको कारलाई ट्रकले ठक्कर दिएको थियो । यो दुर्घटना चेन्नई–तिरुपति राजमार्गमा भएको हो । आन्ध्र प्रदेशका विद्यार्थीहरू तिरुवन्नमलाईबाट भाडाको एमयूभीमा फर्किरहेका।

तिरुवल्लुर जिल्लाको तिरुट्टानी नजिक सडक दुर्घटनामा कम्तीमा पाँच विद्यार्थीको मृत्यु भएको छ भने दुई जना घाइते भएका छन् । केके चतरम प्रहरीका अनुसार विद्यार्थी चढेको कार तिरुट्टानी नजिकै चेन्नई–तिरुपती राष्ट्रिय राजमार्गमा लरीसँग ठोक्किएको हो । मारिनेहरु निजी विश्वविद्यालयका विद्यार्थी रहेको प्रहरीले जनाएको छ । यस विषयमा अनुसन्धान भइरहेको उनले बताए ।