जसपामा पदाधिकारीसहित ३० सदस्यीय केन्द्रीय कार्यकारिणी समिति, २७ जना केन्द्रीय सदस्य

१० भदौ, काठमाडौं ।  जनता समाजवादी पार्टी (जसपा) नेपालले केन्द्रीय पदाधिकारी टुंग्याएको छ । गत जेठ २८ गते सुरु भएर ३० गते सम्पन्न भएको जसपा नेपालको एकताको राष्ट्रिय महाधिवेशनले अध्यक्षमा उपेन्द्र यादवलाई सर्वसम्मतिले चयन गरेको थियो । 

जसपा नेपालको महाधिवेशन सकिएको साढे दुई महिनापछि पार्टीका पदाधिकारी र केन्द्रीय सदस्यहरू तोकिएका हुन् । पदाधिकारी र केन्द्रीय सदस्यहरूका लागि उम्मेदवारी दर्ता गरेपछि  चुनावै नगरी अध्यक्ष उपेन्द्र यादवलई पदाधिकारी र केन्द्रीय सदस्य तोक्ने अधिकार प्रत्यायोजन गरी महाधिवेशन स्थगित भएको थियो । 

महाधिवशेन सकिएपको साढे २ महिनापछि अध्यक्ष यादवले पदाधिकारीसहित ३० सदस्यीय केन्द्रीय कार्यकारिणी समिति, २७ जना केन्द्रीय सदस्य, केन्द्रीय अनुसशासन आयोग, केन्द्रीय लेखापरीक्षण आयोग र केन्द्रीय निर्वाचन आयोगमा रहनेहरूको नाम तय गरेका हुन् ।

पदाधिकारीमा रकम चेम्जोङलाई सदअध्यक्षको जिम्मेवारी दिइएको छ । त्यस्तै पाँच उपाध्यक्षमा राजकिशोर यादव, मृगेन्द्रकुमार सिंह यादव, गोविन्द चौधरी, शिवालाल थापा मगर र विद्युत् बज्राचार्य छन् । दुई महासचिवमा लालबाबु राउत र रामकुमार शर्मालाई जिम्मेवारी दिइएको छ । 

मनिषकुमार सुमनले प्रवक्ताको जिम्मेवारी पाएका छन् । तीन उपमहासचिवमा प्रकाश अधिकारी, दीपक कार्की र रेखा यादवलाई जिम्मेवारी दिइएको छ । सात सचिवमा लिला सिटौला, शैलेन्द्र साह, सुनी लामा, राजकुमार राई, सुरेश मण्डल, लाक्पा शेर्पा, कमरूद्धीन राई छन् । कोषाध्यक्षको जिम्मेवारी सुरिताकुमार साहलाई दिइएको छ । कार्यकारीणी समितिमा १० जना सदस्य छन् ।