पलेशा बुधबार बिहान काठमाडौं आउँदै, नगरपरिक्रमा गराइने

१७ भदौ, काठमाडौं । पारालिम्पिक्समा काश्य पदक विजेता तेक्वान्दो खेलाडी पलेशा गोवर्धनलाई नगर परिक्रमा गराइने भएको छ । पलेशा बुधबार बिहान काठमाडौँ आउँदै छन् । नेपाली खेलकुद इतिहासमा पहिलो पटक ओलम्पिकमा पदक जितेकी पलेशालाई बुधबार विहान ८ बजे त्रिभुवन अन्तर्राष्ट्रिय विमानस्थलमा स्वागत गरिने राष्ट्रिय खेलकुद परिषदले जानकारी दिएको छ ।

परिषदका अनुसार साढे ८ बजेदेखि शुरु हुने र उनलाई एयरपोर्ट, गौशाला, पुरानो बानेश्वर, मैतीदेवी, डिल्लीबजार, बागबजार, भद्रकाली, सहिद गेट, त्रिपुरेश्वर चोक हुँदै राष्ट्रिय खेलकुद परिषदको प्राङ्गणमा स्वागत गरिने जानकारी दिएको छ ।