ललितपुरको एकान्तकुनाबाट कल सेन्टर चलाउने ५० जना सीआईबीको नियन्त्रणमा

२७ भदौ, काठमाडौं । ललितपुरको एकान्तकुनाबाट अवैध रूपमा कल सेन्टर चलाएर ठगी गरेको आरोपमा प्रहरीले ५० जनालाई नियन्त्रणमा लिएको छ । प्रहरीको केन्द्रीय अनुसन्धान ब्युरो (सीआईबी) ले छापा मारेर ५० जनालाई नियन्त्रणमा लिएको जनाएको छ । 

बुधबार सीआईबीको टोलीले कल सेन्टरबाट ५० जनालाई नियन्त्रणमा लिएको सीआईबीले जनाएको छ । ५० जनामध्ये दुई जना चिनियाँ नागरिक र एक जना फिलिपिनो नागरिक छन् । अन्य व्यक्तिहरूको स्क्रिनिङ भइरहेको बताइएको छ । 

 घर नै भाडामा लिएर उनीहरुले कल सेन्टरको नाममा अनलाइनसम्बन्धि विभिन्न अपराधिक काम गर्दै आएको सिआइबीका एसपी होबिन्द्र बोगटीले बताए । अनलाइन स्क्याम, क्रिप्टो, जुवा लगायत अपराधमा उनीहरुको संलग्नता देखिएको छ ।

पक्राउ परेका कामदारलाई छाड्ने र चिनियाँ र फिलिपिनीसहित मुख्य आठ जनालाई मुद्दा चलाउने प्रहरी तयारी छ ।  सीआईबीले नियन्त्रणमा आएकामाथि थप अनुसन्धान थालेको छ । ।