संघीय मामिला मन्त्रालयले १०० पालिकामा पठायो प्रमुख प्रशासकीय अधिकृत

२७ भदौ, काठमाडौं । संघीय मामिला तथा सामान्य प्रशासन मन्त्रालयले बिहीबार १०० पालिकामा शाखा अधिकृतहरू पठाएर जिम्मेवारी तोकेको छ । मन्त्रालयका अनुसार पदस्थापन भएकाहरू सबै लोकसेवा आयोगबाट अधिकृतको परीक्षा पास गरेर हालै प्रशासनिक प्रशिक्षण पूरा गरेकाहरू हुन् ।

१३ भदौमा एकै दिन १०६ जना शाखा अधिकृतहरू थए ।  नेपाल प्रशासनिक प्रशिक्षण प्रतिष्ठान ललितपुरले नेपाल प्रशासन सेवा, सामान्य प्रशासन समूहका तृतीय श्रेणीका नवनियुक्त अधिकृतको आधारभूत प्रशासन प्रशिक्षणपछि १३ भदौमा दीक्षान्त समारोह गरेको थियो ।

उनीहरुलाई प्रमुख प्रशासकीय अधिकृत रिक्त रहेका मध्ये आफूलाई पायक पर्ने र इच्छा भएको गाउँपालिका रोज्न दिइएको थियो । त्यसकै आधारमा सरुवाको निर्णय भएको मन्त्रालयले जनाएको छ । मन्त्रालयले हालै ५२ वटा जिल्ला समन्वय समितिमा इन्जिनियरहरूको पनि पदस्थापन गरेको छ ।