लिपुलेक भारतको हो भनेकोमा मेटमणिलाई नेकपा एसको स्पष्टीकरण : मुलुकको अखण्डताविरुद्ध किन बोल्नु भएको ?

२७ भदौ, काठमाडौं । नेकपा एकीकृत समाजवादीले उपमहासचिव मेटमणि चौधरीलाई स्पष्टिकरण सोधेको छ । भदौ २५ गते प्राइम टीभीमा दिएको अन्तरवार्तामा चौधरीले लिपुलेक कालापानी भारतको हो भनेकोमा ३ दिनभित्र लिखित स्पष्टीकरण दिन निर्देशन दिइएको छ । अन्तरवार्तामा चौधरीले लिपुलेक र कालापानी भारतले दाबी गर्छ । भारतको दाबी पुग्छ, उसको दाबी पुग्छ ‘ जस्ता अभिव्यक्ति दिएका थिए ।

‘अनेकौं तथ्यहरुले उक्त भूभाग नेपालको हो भन्ने कुरा स्पष्ट पारेका छन् । हाम्रो पार्टीको समेत दाबीका आधारमा उक्त भूभाग संविधानको अंग बनाइएको कुरा सर्वविदितै नै छ । त्यसविपरीत, मुलुकको अखण्डता र सार्वभौसमसत्ताका विरुद्ध तपाईंले किन बोल्नु भएको हो ?’ स्पष्टीकरण पत्रमा भनिएको छ ।