दल फुटाउने अध्यादेश रोक्ने दवावस्वरुप विपक्षी दलले सोमबार प्रधानमन्त्रीलाई ज्ञापनपत्र बुझाउने

४ कात्तिक, काठमाडौं । प्रधानमन्त्री केपी शर्मा ओलीले दल फुटाउन राजनीतिक दलसम्बन्धी अध्यादेश ल्याउन लागेको भन्दै विपक्षी दलले सोमबार प्रधानमन्त्रीलाई ज्ञापनपत्र बुझाउने भएका छन् । शुक्रबार गठित कार्यदलले तयार गरेको ज्ञापनपत्र प्रधानमन्त्री ओलीलाई बुझाउन लागिएको हो ।

माओवादी केन्द्रका शक्ति बस्नेत, एकीकृत समाजवादीका राजेन्द्र पाण्डे र राष्ट्रिय स्वतन्त्र पार्टीका शिशिर खनाल रहेको कार्यदलले ज्ञापनपत्र तयार पारेको र सो पत्र प्रधानमन्त्रीलाई बुझाएर खबरदारी गर्न लागिएको बताइएको छ । कार्यदलले राष्ट्रपति रामचन्द्र पौडेल र सभामुख देवराज घिमिरेसँग भेटघाट गरेर ध्यानाकर्षण गराउने भएको छ । 

कार्यदलका सदस्यहरुका अनुसार विपक्ष दलले मूख्य गरी बाढी पहिलोको कुरालाई ज्ञापनपत्रमा समावेश गरेका छन् । मूलत अध्यादेश र बाढी पहिरोको विषयलाई ज्ञापनपत्रमा समेटिएको छ । विपत्मा सरकारले राम्रोसँग काम गर्न नसकेको, पीडितलाई क्षतिपूर्ति दिने कुरामा ढिलाई गरेको भन्दै पीडितका लागि सरकारले तत्काल र दीर्घकालमा गर्नुपर्ने कार्यहरु ज्ञापनपत्रमा उल्लेख गरिएको छ ।