खरिद अनुगमन कार्यालयले १७ निर्माण कम्पनीसँग माग्यो कालोसूचीमा राख्न नपर्ने कारण

१२ कात्तिक, काठमाडौं । सरकारले १७ निर्माण कम्पनीलाई कालोसूचीमा राखेर कारवाही गर्ने जनाएको छ । उनीहरुलाई कालोसूचीमा राख्न नपर्ने कुनै कारण भए सात दिनभित्र कार्यालयमा आएर जवाफ दिन भनिएको छ । 

प्रधानमन्त्री तथा मन्त्रिपरिषद्को कार्यालय मातहत रहेको सार्वजनिक खरिद अनुगमन कार्यालयले १७ वटा निर्माण कम्पनीलाई कालोसूचीमा राख्न प्रक्रिया अगाडि बढाएको हो । कार्यालयले यसअघि ३० दिनभित्र लिखित स्पष्टीकरण बुझाउन निजहरुको ठेगानामा सूचना पठाएकोमा हालसम्म पनि लिखित स्पष्टीकरण नआएकोले सात दिनको समय थप गरेको जनाएको छ ।