०.२१ अंकले घटेर २६७७ विन्दुमा कायम भयो नेप्से, ४ अर्ब २० करोडका शेयर खरिदबिक्री

२० कात्तिक, काठमाडौं । आजको शेयरबजार झिनो अंकले घटेको छ । नेप्से परिसूचक ०.२१ अंकले  घटेर ६७७.४ मा कायम भएको छ । कारोबार सुरु भएपछि २६९६ अंकसम्म पुगे पनि त्यसपछि ओरालो लागेर २६७७ मा कायम भएको हो । 

गत बुधबार ५ अर्ब ९५ करोडको कारोबार भएकोमा आज ४ अर्ब २० करोडका शेयर खरिदबिक्री भए ।  कुल ११३ कम्पनीको शेयर मूल्य बढ्दा १२४ को घट्यो भने ६ को स्थिर रह्यो । निर्जीवन बीमा समूह सबैभन्दा धेरै १.०६ प्रतिशत बढ्यो । सुपरमाइ हाइड्रोपावरको मूल्य १० प्रतिशत बढ्यो । समाज लघुवित्तको ९.९, युनाइटेड मोदी हाइड्रोपावरको ९.५, गुराँस लघुवित्तको ९.३, रसुवागढी हाइड्रोपावरको ८.७ तथा सान्जेन जलविद्युतको ७.३ प्रतिशत मूल्य बढ्यो ।

फाइनान्स ०.२०, होटल तथा पर्यटन ०.८२, हाइड्रोपावर ०.७७, जीवन बीमा ०.३९ र अन्य समूह ०.२४ प्रतिशत बढे । बैंकिङ ०.८१, विकास बैंक ०.४८, लगानी ०.०४, उत्पादन ०.२९, माइक्रोफाइनान्स ०.०७ र व्यापार समूह ०.७४ प्रतिशत घटे ।

मिडसोलु हाइड्रोपावरको मूल्य सबैभन्दा धेरै १० प्रतिशत घट्यो । कारोबार रकमका आधारमा नेपाल फाइनान्स, सानिमा जीआईसी इन्स्योरेन्स, एनएलजी इन्स्योरेन्स, आईजीआई प्रुडेन्सियल इन्स्योरेन्स र समृद्धि फाइनान्स क्रमशः अगाडि रहे ।