सर्लाहीको बगुवा खोलाबाट गाँजासहित दुई जना पक्राउ

२० कात्तिक, सर्लाही । सर्लाहीको इश्वरपुर नगरपालिका-१२ स्थित बगुवा खोलाबाट अवैध लागूऔषध गाँजा करिब १२ किलोग्राम सहित हरिवन नगरपालिका-१ बस्ने २० वर्षीय पालदेन योन्जनलाई सोमबार राति प्रहरीले पक्राउ गरेको छ ।

इलाका प्रहरी कार्यालय केशरगंज र अस्थायी प्रहरी ‍पोष्ट कालिन्जोर घारिबथानबाट खटिएको प्रहरीले बा.प्र.०२-०२४ प २७६७ नम्बरको मोटरसाइकलमा सवार उनलाई उक्त गाँजा सहित पक्राउ गरेको हो । 

त्यस्तै उदयपुर, बेलका नगरपालिका-१ आम्बासास्थित सडकबाट अवैध लागूऔषध गाँजा करिब ८ किलोग्राम सहित सोही नगरपालिका-६ बस्ने ३८ वर्षीय लोकेन्द्र राईलाई मंगलबार बिहान प्रहरीले पक्राउ गरेको छ । 

अस्थायी प्रहरी बिट आम्बासीबाट खटिएको प्रहरीले को-३८ प १८५ नम्बरको मोटरसाइकलका चालक राईलाई उक्त गाँजा सहित पक्राउ गरेको हो । प्रहरीले हाल फरार मोटरसाइकलमा सवार १ जनाको खोजी गरिरहेको छ । यस सम्बन्धमा प्रहरीले आवश्यक अनुसन्धान गरिरहेको जनाएको छ ।