काठमाडौंको गोकर्णेश्वरमा एकै परिवारका ३ जना मृत भेटिए

२९ कात्तिक, काठमाडौं । काठमाडौंको गोकर्णेश्वर नगरपालिका–३ स्थित गाम्चामा एकै परिवारका ३ जना मृत अवस्थामा भेटिएका छन् । कोठाभित्रबाट चुकुल लगाएको अवस्थामा ३३ वर्षीया सीता मोक्तान, उनकी छोरी अंशु मोक्तान र दुई वर्षीय छोरा मृत भेटिएको जिल्ला प्रहरी परिसर काठमाडौंले जनाएको छ ।   

मृतकको शव कम्तीमा दुई साता पुरानो हुनसक्ने प्रहरीको प्रारम्भिक जाँचबाट देखिएको छ । तीन जनाकै शव सडेको अवस्थामा फेला परेको हो । मृतक सीताका श्रीमान् कान्छा नगरकोटीलाई प्रहरीले सोधपुछ गरिरहेको छ । प्रहरीले घटनामा अनुसन्धान भइरहेको जनाएको छ ।