सिटिजन्स बैंकको डिजिटल फिक्स डिपोजिटमा ग्राहकको आकर्षण, अब रोबर्ट हुँदै एआईको तयारी

३० कात्तिक, काठमाडौं । सिटिजन्स बैंक पछिल्लो समय बैंकिङ क्षेत्रमा नयाँ प्रविधि भित्र्याउने बैंकका रुपमा विकसित भइरहेको छ । यस बैंकले यसअघि ल्याएका डिजिटल कारोबार प्रणालीका धेरै सेवाहरु सफल पनि भएका छन् । एकपछि अर्को गर्दै ग्राहकहरूको आवश्यकतामा ध्यान दिएर बैंकले सेवाहरूलाई थप गुणस्तरीय र विश्वसनीय पनि बनाउँदै लगेको छ । बैंकले आफ्ना ग्राहकहरूका लागि भनेर विभिन्न अनलाइन प्लेटफर्महरू पनि दिँदै आएको छ । अर्को अर्थमा भन्ने हो भने सिटिजन्स बैंकमा अब लगभग बैंकिङ कारोबारमा लाइन बस्नु पर्ने अवस्थाको अन्त्यतिर आइपुगेको छ ।

पछिल्लो समयमा यो बैंकले 'रियल टाइम फिक्स डिपोजिट खाता' सञ्चालनमा ल्याएको छ । बैंकका अनुसार यो खाताको अवधारणा ल्याउनका पछाडि ग्राहकलाई डिजिटल बैंकिङ कारोबारमा अभ्यस्त बनाउनु रहेको छ । बैंकले यो डिजिटल फिक्स डिपोजिट खाता घरमै बसेर खोल्न सकिने जनाएको छ । बैंकले डिजिटल कारोबारमा गरिरहेको प्रयासका विषयमा आधारित रहेर हामीले सिटिजन्स बैंकका डिपोजिट मार्केटिङ विभागका प्रमुख पारसविक्रम थापासँग किन डिजिटल कारोबार र मोबाइल बैंकिङलाई बढी प्राथमिकता दिएको हो भनेर सोधेका छौँ ।  

सिटिजन्स बैंकले पछिल्लो समय सबै बैंकिङ कारोबार डिजिटल रुपमा गराउने प्रयास गरिरहेको देखिन्छ । यसका लागि धेरै अभियान र आकर्षक उपहारको व्यवस्था गरेको पनि देखियो, खास उद्देश्य के हो ?

खास कुरा भनेको सबै सेवाहरुलाई डिजिटलाइजेशन गरेर लाने र सबै सेवाहरुलाई कागजरहित बनाउने भन्ने उद्देश्यले सिटिजन्स बैंकले यी अभियानहरू चलाएको हो । कोभिडको समय देखिनै बैठकले सबै सेवाहरुलाई डिजिटल कारोबारमा रुपान्तरण गर्नुपर्छ भनेर लागेको हो । त्यो समयमा एकै ठाउँमा बसेर बैठक गर्ने, छलफल गर्ने सम्भावना थिएन र हामीले डिजिटल रुपमा बैठकहरू गर्न सुरु गरेका थियौँ । त्यसपछि अब बैंकले गर्ने आन्तरिक काम र ग्राहकहरूलाई दिने सेवा डिजिटल गराउनुपर्छ भनेर बैंक लागेको हो । अहिले यसमा धेरै प्रगति पनि भइसकेको छ । अब भनेको हाम्रा सबै ग्राहकहरूलाई कसरी डिजिटल कारोबारमा अभ्यस्त बनाउन सकिन्छ भन्ने नै बैंकको मुल प्रयास रहेको छ । आन्तरिक रुपमा भन्नुपर्दा प्रायः सबै काम डिजिटलमा हुन थालेका छन भने पछिल्लो समयमा आएर हामीले रोबर्टको प्रयोग पनि गर्न सुरु गरेका छौँ । 

तपाईले बैंकिङ कारोबारमा रोबर्ट पनि प्रयोग हुन थालेको छ भन्नु भयो । यो के हो र कसरी प्रयोग हुन्छ । ग्राहकहरूलाई यो बारेमा केही जानकारी दिनुभएको छ ? 

अहिले सिटिजन्स बैंकले मात्र हैन, प्राय बैंकहरुले रोबर्टको प्रयोग गर्न थालेका छन् । अब विस्तारै रोबर्टबाट काम गराउने प्रचलन र प्रयोग बढ्दै जानेछ । सिटिजन्स बैंकले रोबर्ट चलाउन थालेको धेरै भएको छैन । अहिले यसलाई व्यवस्थित बनाउने प्रयासमै छौँ । धेरै थिचिरहनु पर्ने, किल्क गरिरहनु पर्ने जस्ता काममा यसको प्रयोग हुन थालेको छ । रोर्बटिक्सको प्रयोग भनेको रेगुलर कामका लागि गरिने हो । जस्तै हामीले नयाँ कर्मचारीहरू हायर गर्दा उनीहरुको नाम लेख्नुपर्ने भयो, इमेल बनाउनुपर्ने भयो । यस्तो काममा ति कर्मचारीका नामहरू एउटा सिस्टममा राखिदिए पछि त्यहाँ मान्छे बसिरहनु परेन । रोबर्टले सिस्टममा लगेर काम गर्छ । अहिले हामीले एटीएममा रोबर्टको प्रयोग गरेका छौँ ।

एटीएमको ट्रान्जेक्सनमा त्यसको रेकर्ड राख्न इलेक्ट्रोरियल जनरल भन्ने हुन्छ । त्यो एटीएम मेसिनमा बसिरहेको हुन्छ । पछि केही भयो भने हेर्नका लागि रेकर्डका रूपमा हेर्न पनि सकिने भयो । त्यो इलेक्ट्राेनिक जनरललाई रोबर्टले तानेर ल्याइदिन्छ । पहिले त्यो ल्याउनका लागि पेन ड्राइभ घुसाउनुपर्थ्यो भने अब यो काम रोबर्टले गर्छ । २४ घण्टा नै रोबर्डले त्यो मेसिनमा भएका कुराहरू तानेर ल्याइदिन्छ । यो सिम्पल कुरा भयो । अब हामीले एकाउन्ट ओपनिङको काम पनि रोबर्टबाट गराउन खोजिरहेका छौँ । एकाउन्टमा ग्राहकहरूको नाम, नम्बर जस्ता कुराहरू राख्न जुन सफ्टवेयर बनाइएको हुन्छ । त्यसलाई ब्रान्चका स्टाफले एकपटक चेक गरेर सिस्टममा राखिदिए पछि रोबर्टले तानेर राखिदिने काम गर्छ । यसलाई हामीले एटीएमको इलेक्ट्रोनिक जनलरमा प्रयोग गरिसकेका छौँ । यो टाइममा गर्ने भनेपछि रोबर्टले त्यो टाइममा काम गर्छ । अब वित्तीय सेवाहरुमा रोर्बटिक्स र एआईहरु प्रयोग गर्ने अभियानमा सिटिजन्स बैंक गइरहेको छ ।

प्रविधिबाट सेवा लिने र दिने कुरा आन्तरिक रुपमा त सहज नै हुने भयो । अब सिटिजन्स बैंकले ग्राहकहरूलाई कसरी कन्भिन्स गर्छ, के योजना छ यसका लागि ? 

हो, ग्राहकलाई एकैचोटी डिजिटल कारोबारमा अभ्यस्त बनाउन कठिन नै छ । अझै पनि धेरै प्रयास गर्नुपर्ने अवस्था छ र हामीले विभिन्न माध्यमबाट ग्राहकहरूलाई डिजिटल कारोबारमा समावेश गराउने प्रयास गरिरहेका छौँ । गएको महिनालाई हामीले डिजिटल मन्थका रुपमा अभियान नै चलाएका थियौँ । त्यसबाट पनि धेरै ग्राहकहरूले सिक्ने र डिजिटल कारोबार गर्नुपर्छ भन्ने कुरामा जानकारी लिनुभएको छ । हामीले सबै ब्रान्चहरुमा स्टाफमार्फत पनि आउने ग्राहकहरूलाई सिकाइरहेका हुन्छौं । अहिले हिँडेर बैंक धाइरहनु पर्दैन । सबै कुरा तपाईले हातमा बोकेको मोबाइलबाट गर्न सकिन्छ । 

बैंकिङ सिस्टम मोबाइल बैंकिङमा गइसकेको छ भनेर हरेक माध्यमबाट भन्ने काम भइरहेकाे छ । ग्राहकमा उत्साह जगाउन हामीले विभिन्न सेवामा अफरहरूको पनि व्यवस्था गरेका थियौँ । अझै पनि समय अनुसार यस्ता अफरहरू राख्ने काम हुन्छ । यसरी ग्राहकहरूलाई डिजिटल कारोबारमा अझै अभ्यस्त बनाउन सकिन्छ कि भनेर हामीले अहिले ‘डिजिटल फिक्स डिपोजिट’ नाम दिएर एउटा खाता सञ्चालनमा ल्याएका छाैं । यसबाट पनि ग्राहकहरूले डिजिटल बैंकिङ र मोबाइल कारोबारका विषयमा धेरै कुरा सिक्न सक्नुहुन्छ । यसमा आकर्षक ब्याज पनि छ ।

सिटिजन्स बैंकले सुरु गरेको डिजिटल फिक्स डिपोजिट खाता पूर्व निर्धारित समयका लागि भनिएको छ । यो कस्तो हो ?

मोबाइल बैंकिङ कारोबारमा ग्राहकहरूलाई अभ्यस्त गराउने उद्देश्यले नै यो डिजिटल फिक्स डिपोजिट खाता सञ्चालनमा ल्याएका हौँ । पूर्व निर्धारित समय भनेको एक वर्षको हो । खाता खोलेको एक वर्षसम्म अहिले दिएको ब्याजदर कायम नै रहन्छ । यो फिक्स डिपोजिट खातामा नर्मलभन्दा अलिकति बढी रेट दिएका छौँ । यो खातामा बैंकका शाखा कार्यालयहरूमा आएर खाता खोल्दा भन्दा मोबाइलबाटै खोल्नु भयो भने बढी ब्याजदर ग्राहकहरूले पाउनुहुन्छ । यसको फिक्स रेट भनेको काउन्टरमा आएर खोल्नुभयो भने ५.७५ प्रतिशत ब्याज दिइएको छ भने घरमै बसेर मोबाइलबाटै खोल्छु भन्नेलाई २५ पैसा थपेर ६ प्रतिशत ब्याज दिएका छौँ । यसमा २५ पैसा थपिएको पनि मोबाइल बैंकिङमा ग्राहकलाई अभ्यस्त गराउनकै लागि हो । यसबाट हामीले ग्राहकलाई के भन्न खोजेको हो भने अब तपाईहरु कुनै पनि कारोबारका लागि बैंकसम्म धाएर आइरहनु पर्दैन । सबै कुरा मोबाइलबाटै हुन्छ । घरमै बसेर बैंकिङ कारोबार गरौँ भनेर ग्राहकलाई इनकरेज गराउन खोजिएको हो । 

सबै खाता खेल्न पनि अनलाइन बाटै मिल्छ, अहिले पैसा निकाल्न चेक पनि काटिरहनु पर्दैन । खातामा भएको पैसा मोबाइल बैंकिङमार्फत एटीएमबाट सहजै निकाल्न सकिन्छ । अर्को कुरा अहिले एटीएमबाट पैसा निकाल्न कार्ड पनि चाहिन्न । हामीले एउटा अप्सन मोबाइल बैंकिङमा राखिदिएका छौँ । त्यहाँ गएर मलाई पैसा चाहियो भन्यो भने त्यसैमा एउटा ओटीपी नम्बर आउँछ । त्यो लगेर हाल्ने बित्तिकै पैसा आइहाल्छ । यसरी सिटिजन्स बैंकले मोबाइल बैंकिङलाई सहज बनाइदिएको छ । हामी बैंकको स्टाफसँग कुराकानी गर्न पनि अहिले सजिलो बनाइएको छ । मोबाइल बैंकिङमा सिटिजन्स बैंकको प्रिभिलेज कस्टमर भन्ने सेक्सन छ । त्यसमा फाेन नम्बर आउँछ र त्यसमा एक किल्क गर्ने बित्तिकै बैंकका आरएमहरुलाई फोन जान्छ र कुरा गर्न सकिन्छ । यी सबै कुरा सिटिजन्स बैंकले मोबाइल बैंकिङ कारोबारलाई अभ्यस्त  गराउन गरेको हो ।               

ग्राहकले सिटिजन्स बैंकको डिजिटल फिक्स डिपोजिट खाता खोल्न चाहे भने कसरी खोल्ने, यसको प्रक्रिया कस्तो छ ?

सबैभन्दा पहिला सिटिजन्स बैंक इन्टरनेशनलको मोबाइल एप्लिकेशनमा लगइन गर्नुपर्ने छ । त्यसपछि मोर अप्सनमा क्लिक गरेर ‘फिक्स्ड डिपोजिट’ लेखिएको ठाउँमा क्लिक गर्नुपर्छ । त्यहाँ विभिन्न योजनाका प्रकारहरू देखिनेछ । ती योजना मध्य आफूले खोल्न चाहेको योजना, जम्मा गर्ने अवधि र आफूले जम्मा गर्न चाहेको रकम उल्लेख गर्नुपर्छ । यी सबै काम गरेपछि आफ्नो इमेल ठेगाना दिएर प्रोसिडमा क्लिक गर्नुपर्छ । सो पश्चात् उपलब्ध गराउनुभएको सबै विवरण ठीक भएको वा नभएकोबारे आफैंले जाँच गर्नुपर्छ । यदि सबै विवरण ठीक भएको खण्डमा बैंकले ग्राहकको सो इमेल ठेगानामा मुद्दती खाता सुचारु भएको सन्देश पठाउनेछ । त्यसलाई पनि जाँच गर्नुपर्छ । यसरी मुद्दती खाता बनाउँदा र रकम जम्मा गर्दा खातामा आवश्यक रकम भने हुन जरुरी छ । यसरी यो खाता सहज रुपमा खोल्न सकिन्छ । 

भनेपछि मोबाइल बैंकिङबाट डिजिटल फिक्स डिपोजिट खाता खोल्यो भने बढी ब्याज पाइने भयो हैन ? 

हो, म मोबाइलबाटै खाता खोल्छु र कारोबार गर्छु भन्ने ग्राहकले अफिसमा आएर खाता खोल्नेको भन्दा २५ पैसा बढी ब्याज पाउनुहुन्छ । यदि कोही ग्राहक हाम्रो अफिसमा आएर खाता खोल्न चाह्यो भने उसले खोल्न नपाउने हैन । तर, अफिसमा आएर खोलेकाे खाताको ब्याज भने २५ पैसा कम हुन्छ । अफिसमा आएर कागज भराएर, फर्म भरेर गर्दा समय पनि धेरै लाग्ने भयो । ब्याज पनि ५.७५ प्रतिशत मात्र पाइने भयो । हैन म घरमै बसेर फिक्स डिपोजिट खाता खोल्छु भन्ने ग्राहकले ५.७५ रेटमा २५ पैसा थपिएर ६ प्रतिशत ब्याज पाउनुहुन्छ । यसैले हामीले यो खाता खोल्न चाहने सबै ग्राहकलाई घरमै बसेर मोबाइल बैंकिङबाट खाता खोल्नुहोस् भनिरहेका छौँ । अर्को खाता खोलेको रिसिभ इमेलमा पनि जान्छ र मोबाइल बैंकिङमा पनि गएर बस्छ र त्यहीँबाट डाउनलोड पनि गर्न सकिन्छ । यसो गर्दा हाम्रो पेपरको कष्ट पनि घट्ने भयो र ग्राहकले पनि २५ पैसा बढी ब्याज पाउने भए । दुवैतिर सजिलो हुने भयो । 

यो खाता खोल्न ग्राहकले कति पैसा लिएर आउनुपर्छ कि जति भए पनि पाइन्छ ? 

यसमा चाहिने मुख्य कुरा भनेको खातामा बचत हुनुपर्यो । मोबाइल बैंकिङ खोलेको हुनुपर्यो । प्रायः ग्राहकले बचत खाता खोलिरहेकै हुन्छन् । त्यसलाई मुद्दतीमा ल्याउने मात्र हो । यो खाताका लागि न्यूनतम् १० हजार रकम खातामा हुनुपर्छ भने यसको समय एक वर्षको हुन्छ । ब्याजदरको कुरा हामीले अगाडि पनि गरिसकेका छौँ । ५.७५ प्रतिशत ब्याज तोकिएको छ भने घरमा बसेर मोबाइलबाट खाता खोल्नेहरूले थप .२५ पैसा बढी पाउनुहुन्छ । यो खाता जति बेला खोल्दा पनि भयो । हात मोबाइल हुन्छ । बैंकले सबै सिष्टम राखिदिएकै हुन्छ । त्यसअनुसार जुन बेला खोल्छु भन्दा पनि पाइन्छ । अब बैंक बन्द भयो के गर्ने भोलिसम्म कसरी कुर्ने भन्ने चिन्ता लिइरहनु पर्दैन । जति बेला पनि मोबाइलबाट खोल्न सकिने भयो । अर्को कुरा अब मोबाइलबाटै २ लाखसम्मको ऋण लिन मिल्ने व्यवस्था पनि गर्न लागेका छौँ । यो केही समय पछि लन्च हुन्छ । यो डिजिटल फिक्स डिपोजिट खातामा पनि तपाईले १ लाख जम्मा गर्नुभएको छ र तपाइलाई तुरुन्तै ऋण लिनुपर्ने अवस्था आयो भने ९० हजारसम्म दिन सकिने व्यवस्था पनि सिटिजन्स बैंकले गरेको छ । #एडभोटोरियल