मेगा लिलामीको पहिलो दिन ७२ खेलाडी बिके, ऋषभ पन्त बने इतिहासकै महँगो खेलाडी

१० मंसिर, काठमाडौं । आइपिएल लिलामी २०२५ को मेगा लिलामीको पहिलो दिन ( नोभेम्बर २४ ) गएराती सम्पन्न भएको छ । यो लिलामी साउदी अरेबियाको जेद्दाहमा भएको थियो ।

इन्डियन प्रीमियर लिग 'आइपिएल' मा ऋषभ पन्त इतिहासकै महँगो खेलाडी बनेका छन् । उनलाई जारी अक्सनमार्फत लखनउ सुपर जायन्टले २७ करोड भारतीय रुपैयाँमा अनुबन्ध गरेको हो ।

सबै १२ सेटको लिलामी सम्पन्न भएको छ। पहिलो दिन कुल ७२ खेलाडी बिक्रि भएका छन् । ऋषभ पन्तले सबै कीर्तिमान तोड्दै आईपीएलको सबैभन्दा महँगा खेलाडी बने । लखनऊ सुपर जायन्ट्सले २७ करोड भारुमा किनेको थियो ।

यससँगै श्रेयस अय्यर आईपीएल अक्सन २०२५ को दोस्रो महँगो खेलाडी बनेका छन् । पञ्जाब किंग्सले २६.७५ करोडको बोली लगायो। पञ्जाबले आफ्नो कप्तान पाएको हुन सक्छ। केकेआरले वेंकटेश अय्यरलाई २३.७५ करोडमा किनेर सबैलाई चकित पारेको थियो । अर्शदीप सिंह तेस्रो महँगो खेलाडी बने । पञ्जाबले आटीएम प्रयोग गरेर १८ करोडमा किनेको थियो।

पञ्जाबले आइपिएलमा सर्वाधिक विकेट लिने खेलाडी युजवेन्द्र चहललाई पनि १८ करोडमा किनेको छ । केएल राहुललाई दिल्ली क्यापिटल्सले १४ करोडमा किनेको थियो । दिल्लीले रसिक दारलाई ६ करोडमा किनेको थियो ।