न्यायाधीश नियुक्तिबारे न्याय परिषदमा छलफल सुरु

११ मंसिर, काठमाडौं । सर्वोच्च र उच्च अदालतमा रिक्त न्यायाधीश नियुक्तिबारे छलफल गर्न न्याय परिषदको बैठक बसेको छ । बैठकमा न्यायाधीश नियुक्तिबारे छलफल भइरहेको छ । हाल सर्वोच्चमा ४ जना र उच्च अदालतमा १७ जना रिक्त रहेको छ । प्रधानन्यायाधीश प्रकाशमान सिंह राउतको नेतृत्व परिषदको बैठकले रिक्त पदमा न्यायाधीश नियुक्तिको सिफारिस गर्ने तयारी गरेको छ ।  

सर्वोच्च र उच्च अदालतमा लामो समयदेखि रिक्त न्यायाधीश पदमा नियुक्ति हुन नसक्दा न्याय सेवा प्रभावित भएको छ । रिक्त पदमा नियुक्तिका लागि न्याय परिषदको बैठक पटक–पटक बसे पनि प्रक्रिया अघि बढ्न सकेको छैन । गत असोजको तेस्रो साता प्रधानन्यायाधीश बनेका प्रकाशमान सिंह राउतले न्यायालयलाई चुस्त दुरुस्त राख्न रिक्त सबै पदमा तदारुकताका साथ नियुक्ति गर्ने प्रतिबद्धता व्यक्त गरेका थिए । 

परिषदको सदस्यबीच कसलाई नियुक्त गर्ने भन्नेबारे मै आज छलफल छ । अवकाश पाउनु केही दिनअघि गत असोज ११ मा तत्कालीन प्रधानन्यायाधीश विश्वम्भरप्रसाद श्रेष्ठले रिक्त ६ पदमध्ये दुई न्यायाधीशमा नृपध्वज निरौला र नित्यानन्द पाण्डेलाई नियुक्त गरेका थिए । त्यसपछि रिक्त चार पदमा हालसम्म नियुक्ति हुन सकेको छैन ।