क्रेन लगाएर कन्टेनर हटाइयो, पूर्वपश्चिम राजमार्ग सुचारु

१३ मंसिर, मकवानपुर । सडक ढाकेर पल्टिएको कन्टेर हटाएपछि पूर्वपश्चिम राजमार्ग सुचारु भएको छ । मकवानपुरको हेटौंडा उपमहानगरपालिका–१५, चुरियामाई नजिक कन्टेनर सडकमै पल्टदा राजमार्ग अवरुद्ध भएको थियो ।

बिहीबार बिरगंजबाट काठमाडौं जाँदै गरेको मधेस प्रदेश ०३–००१ ख ६७३८ नम्बरको मोबिल लोड गरिएको लहरी अनियन्त्रित भई सडकमा पल्टिएको थियो । लहरी सडककै पल्टिएको कारण अवरुद्ध रहेको पूर्व–पश्चिम राजमार्ग करिब दुई घण्टापछि दुवैतर्फ सुचारु भएको मकवानपुर प्रहरी प्रवक्ता डीएसपी श्यामु अर्यालले जानकारी दिएका छन् । 

क्रेनको सहायताले उक्त लहरी साइड लगाएर दुवैतर्फ सडक सञ्चालनमा ल्याइएको उनले बताए । दुर्घटनामा लहरी चालक मकवानपुरको मनहरी गाउँपालिका–६ निवासी करिब ३० वर्षीय महेश मोक्तान घाइते भएका छन् ।