एनपीएलको उद्घाटन खेलमा जनकपुरले टस जित्यो

१५ मंसिर, काठमाडौं । नेपाल प्रिमियर लिग (एनपीएल) को उद्घाटन खेलमा जनकपुरले टस जितेको छ । आजको सुरुको खेल विराटनगर किङ्स र जनकपुरबीचको छ ।  जनकपुरका कप्तान अनिल शाहले टस जितेर पहिले बलिङ गर्ने निर्णय लिएका छन् ।  

विराटनगर सन्दीप लामिछानेको कप्तानीमा मैदान उत्रिएको छ भने जनकपुर अनिल शाहको कप्तानीमा मैदानमा छ । विराटनगरमा विश्वचर्चित मार्टिन गप्टिल, ओमानका आकिब इलियास, क्यानडाका निकोलस किर्टनजस्ता खेलाडीहरू छन् । त्यसैगरी जनकपुरमा अमेरिकाका मोहमद मोहसिन, लाहिरु मिलान्थाजस्ता खेलाडी समावेश छन् ।