अमेरिकासहित चार देशका राजदूतलाई राष्ट्रपति पौडेलले गराए शपथ ग्रहण

१६ मंसिर, काठमाडौं । राष्ट्रपति रामचन्द्र पौडेलले अमेरिका, जर्मनी, साउदी अरब र अष्ट्रेलियाका राजदूतहरुको शपथ ग्रहण गराएका छन् । पौडेलले आइतबार बिहान शीतलनिवासमा आयोजित समारोहमा नेपालका लागि चार देशका राजदूतको शपथ गराएका हुन् । 
 
अमेरिकाका लागि नेपाली राजदूतमा लोकदर्शन रेग्मी, जर्मनीका लागि डा. शैल रुपाखेती, साउदी अरबका लागि डा. नरेशविक्रम ढकाल र अष्ट्रेलियाका लागि चित्रलेखा यादवलाई उनले नियुक्त गरेका थिए । शपथ ग्रहण कार्यक्रममा परराष्ट्रमन्त्री आरजु राणा देउवा लगायतको उपस्थिति रहेको राष्ट्रपति कार्यालयकी प्रवक्ता शैलजा रेग्मी भट्टराईले जानकारी दिइन् ।