शिल्पा शेट्टीका पति राज कुन्द्रा आज ईडीमा उपस्थित हुने

 १७ मंसिर, काठमाडौं । शुक्रबार (मंसिर १४ गते ) प्रवर्तन निर्देशनालय (ईडी) ले बलिउड अभिनेत्री शिल्पा शेट्टीका व्यापारी पति राज कुन्द्रा र अन्य धेरैको घरमा छापा मारेको थियो।

रिपोर्टका अनुसार हाल मुम्बई र उत्तर प्रदेशका करिब १५ स्थानमा छापा मारिएको छ। हिजो, ईडीले पोर्न प्रोडक्सनसँग सम्बन्धित मनी लान्ड्रिंग मुद्दामा राज कुन्द्रा सहित धेरैलाई पक्राउ पुर्जी पठाएको थियो, अब राज कुन्द्रा सोमबार अर्थात् आज ईडीमा उपस्थित हुने कार्यक्रम छ।

शिल्पा शेट्टीका पति राज कुन्द्रा सन् २०२१ को पोर्न प्रोडक्सनसँग सम्बन्धित मनी लान्ड्रिङ प्रकरणमा प्रमुख संदिग्ध हुन्। उनलाई मुम्बई अपराध शाखाले भारतीय दण्ड संहिता र सूचना प्रविधि ऐनका विभिन्न धाराहरू अन्तर्गत पक्राउ गरेको थियो तर पछि जमानतमा रिहा गरिएको थियो। समाचार अनुसार, राज कुद्रा सोमबार बिहान मुम्बईको प्रवर्तन निदेशालयमा हाजिर हुनुपर्नेछ।

बयान दिँदै शिल्पा शेट्टीका वकिलले अभिनेत्री र उनको ग्राहक यस्तो कुनै पनि मुद्दामा संलग्न नभएको बताए। उनले भने, ‘मेरी ग्राहक श्रीमती शिल्पा शेट्टी कुन्द्राको घरमा प्रवर्तन निर्देशनालयले छापा मारेको समाचार मिडियामा आएको छ । यी समाचार सत्य होइन भ्रामक छन् ।

मेरो निर्देशन अनुसार श्रीमती शिल्पा शेट्टी कुन्द्राको कुनै प्रकृतिको अपराधसँग कुनै सम्बन्ध नभएकोले प्रवर्तन निर्देशनालयले छापा मारेको छैन । यद्यपी राज कुन्द्रामाथिको छानबिन जारी रहेको भन्दै उनले सत्यतथ्य बाहिर ल्याउन अनुसन्धानमा सहयोग गरिरहेका छन् ।

उनले भने, "म इलेक्ट्रोनिक र प्रिन्ट मिडियालाई श्रीमती शिल्पा शेट्टी कुन्द्राको भिडियो, तस्विर र नाम प्रयोग नगर्न अनुरोध गर्दछु किनकि उनीहरुको यस विषयमा कुनै सरोकार छैन।" यस विषयमा शिल्पा शेट्टी कुन्द्राको तस्विर वा भिडियो शेयर गरेको गैरजिम्मेवार पत्रकारितालाई कडा कारबाही गरिने छ ।