कीर्तिपुरमा कांग्रेसका डंगोल एमालेका मानन्धर भन्दा ५१४ मतले अगाडि

१७ मंसिर, काठमाडौं । कीर्तिपुर नगरपालिकाको मेयर पदका लागि आइतबार सम्पन्न उपनिर्वाचनको मतगणना जारी छ । मध्यान्ह १२ सम्मको नतिजामा नेपाली कांग्रेसका कृष्णमान डंगोलले ५ सय मतले अगाडि छन् । डंगोलले १८९२ मत पाएका छन भने उनका प्रतिस्पर्धी नेकपा एमालेका सुरेन्द्र मानन्धरले १३७८ मत पाएका छन् । 

उनीहरूबीच ५१४ मतको फरक छ । नेकपा माओवादी केन्द्रका उम्मेदवार शिवशरण महर्जनले ११८८ मत प्राप्त गरेका छन् । चौथो र पाँचौं स्थानमा स्वतन्त्र उम्मेदवार छन् । चौथोमा राजमान महर्जनले ७३६ मत पाउँदा पाँचौंमा रहेका दिनेशकुमार अधिकारीले ६४२ मत प्राप्त गरेका छन् ।