कीर्तिपुरमा एमाले भन्दा कांग्रेस ५७२ मतले अगाडि

१७ मंसिर, काठमाडौं । कीर्तिपुर नगरपालिकाको मतगणनामा अहिलेसम्म नेपाली कांग्रेसका कृष्णमान डंगोल अगाडि रहेका छन् । ५ वटा वडाको मतगणना सकिँदा कांग्रेसका डंगोलले २९३० मत पाएका छन् । उनका प्रतिस्पर्धी नेकपा एमालेका उम्मेदवार सुरेन्द्र मानन्धरले २३५८ मत पाएका छन् । उनीहरूबीच ५७२ मतको अन्तर देखिएको छ । 

नेकपा माओवादीका उम्मेदवार शिवशरण महर्जनले २१०१ मत प्राप्त गरेका छन् । स्वतन्त्र उम्मेदवार राजमान महर्जनले १११३ मत पाएका छन् । अर्का स्वतन्त्र उम्मेदवारहरू दिनेशकुमार अधिकारीले ९१७ र कविकुमार महर्जनले ७०८ मत ल्याएका छन् । कीर्तिपुरमा वडा नम्बर १, २, ३, ४ र ५ को मतगणना सकिएको छ भने अब पाँच वटा वडाको मतगणना बाँकी छ ।