स्वर्णलक्ष्मी सहकारीको रकम अपचलन सम्बन्धी रविको बयान सकियो, अब पोखरा फर्काइने

१७ मंसिर, काठमाडौं । काठमाडौंको कालिमाटी स्थित स्वर्णलक्ष्मी सहकारी ठगीसँग सम्बन्धित रहेर राष्ट्रिय स्वतन्त्र पार्टी (रास्वपा) का सभापति एवं पूर्वगृहमन्त्री रवि लामिछानेको काठमाडौंमा बयान सकिएको छ । जिल्ला प्रहरी परिसर काठमाडौंबाट मुद्दा चलाइएका लामिछानेको बयान सोमबार सकिएको हो । 

शुक्रबारदेखि शुरु भएको उनको बयान आज तेस्रो दिन सकिएको हो । उनले दिएको बयानको पुनः अध्ययन र बयान कागजमा सहीछाप गरेपछि प्रहरी परिसर पठाउने तयारी भएको जिल्ला सरकारी वकिलको कार्यालय, भद्रकालीका प्रमुख सह महान्यायाधिवक्ता सन्देश श्रेष्ठले बताए । लामिछानेलाई भोलि पोखरा पठाइने जिल्ला प्रहरी परिसरका प्रवक्ता एसपी नवराज अधिकारीले जानकारी दिए ।