सहकारी ठगी प्रकरणमा लामिछानेसहित ७ जनाको मुद्दामा सरकारी वकिलको बहस सकियो

१७ पुष, पोखरा । पोखराको सूर्यदर्शन सहकारी ठगी प्रकरणमा बुधबार रवि लामिछानेसहितका आरोपीको सरकारी वकिलको तर्फबाट बहस सकिएको छ । भोदी बिहीबारदेखि जाहेरवालाका तर्फबाट बहस हुनेछ । कास्की जिल्ला अदालतका न्यायाधीश नितिज राईको इजलासमा मंगलबारबाट सरकारी वकिलको थुनछेक बहस सुरु भएको थियो ।

सरकारी वकिलका तर्फबाट सहन्यायाधिवक्ता सुजाता पौडेल, शान्तिदेवी शर्मा, विपिनराज तिवारी,  कमला काफ्ले, नायब महान्यायाधिवक्ता सञ्जीवराज रेग्मी र उपन्यायाधिवक्ता प्रकास गौतमले बहस गरेका छन् । उच्च सरकारी वकिल कार्यालयका वकिलहरुले भने जवाफी बहस गर्ने भएका छन् ।

बिहीबारदेखि जाहेरवालाको तर्फबाट बहस हुनेछ । उनीहरुको बहस सकिएपछि प्रतिवादीको तफैबाट बहस हुनेछ । दुवै पक्षको बहसपछि सरकारी वकिलका तर्फबाट जवाफी बहस हुनेछ । यसपछि बल्ल प्रतिवादीहरूलाई थुनामै राखेर मुद्दाको फैसला गर्ने कि थुनाबाहिर राखेर गर्ने आदेश अदालतबाट आउनेछ ।