काठमाडौं ताराले सम्पन्न गर्यो क्लब भिजिटसहितको पिकनिक कार्यक्रम

२१ पुष, काठमाडौं । लायन्स क्लब इन्टरनेशनल डिष्ट्रिक ३२५के अन्तर्गतको क्लब काठमाडौं ताराले यही पुष २० गते शनिबार डिजी क्लब भिजिटसहित पिकनिक फेलोसिप कार्यक्रम सम्पन्न गरेको छ । काठमाडौंको थानकोटस्थित रहेको त्रिभुवन पार्कमा आयोजित कार्यक्रमा लाइन लिडर तथा सदस्यहरुको उपस्थिति रहेको थियो । क्लब भिजिट तथा फेलोसिप कार्यक्रम डिजी नीरा बज्राचार्यको प्रमुख आतिथ्यमा  सम्पन्न भएको थियो । 

कार्यक्रमकी मुख्य अतिथि डिजी नीरा बज्र्राचार्यले लायन्स मेम्बरहरुले पालना गर्नुपर्ने अनुशासन र नियमहरुका विषयमा जानकारी गराएकी थिइन् । उनले लायन्स क्लब अफ काठमाडौं तारा विस्तारै सफलतातर्फ उन्मुख हुँदै आएको बताइन् । कार्यक्रममा छोटो सम्बोधन गरेकी डिजी बज्राचार्यले लायन्स सदस्यहरुले सामाजिक क्षेत्रमा निस्वार्थ ढंगले काम गर्नु पर्ने बताइन् । बज्राचार्यले काठमाडौं ताराले पिकनिकसहित फेलोसिप कार्यक्रम आयोजना गरेकोमा धन्यवाद पनि दिएकी थिएन् । 

यसैगरी सो कार्यक्रममा लायन लिडरहरु शैलेन्द्र दाहाल, हसन गोपाली, विष्णुहरी फुँयाल, महाप्रसाद पाण्डे र सुनिता मरहठ्ठा लगायतले काठमाडौं तारालाई आगामी दिनमा सफल कार्यक्रम सम्पन्न गरी लायन्स क्लबहरुमा उत्कृष्ट बन्न शुभकामना दिएका थिए । यस्तै कार्यक्रममा  काठमाडौं ताराका चार्टर पे्रसिडेन्ट विशाल बर्तौला, क्लष्टर ७ कि प्रमुख अनिता रायमाझी खड्का,सीआई रिजन जिफ निसा श्रेष्ठ, जोन चियरपर्सन राजकुमार बस्नेत लगायत उपस्थित रहेका थिए । 

कार्यक्रमको सभापतित्व काठमाडौं ताराकी अध्यक्ष संगीता श्रेष्ठले गरेकी थिइन् । साइनिङ स्टारका चार्टर  प्रेसिडेन्ट बद्री न्यौपानेले कार्यत्रममा सहजता प्रदान गरेका थिए । पिकनिक कार्यक्रमा लायन्स लिडर तथा सदस्यहरुको उल्लेख्य उपस्थिति रहेको थियो ।