भारतले ‘स्पेस डकिङ’ प्रयोगमा ढिलाइ गर्यो

२३ पुस, काठमाडौं । भारतले सोमबार आफ्नो बहुप्रतीक्षित ‘स्पेस डकिङ प्रयोग’ 'स्पाडेक्स' मिशन दुई दिनका लागि स्थगित गरेको घोषणा गरेको छ ।  स्पेसडकिङ तब हुन्छ, जब दुई अन्तरिक्ष यान अन्तरिक्षमा जोडिन्छन् ।

भारतीय अन्तरिक्ष अनुसन्धान सङ्गठन 'इसरो'का अनुसार मंगलबार बिहान हुने भनिएको परीक्षण अब बिहीबार सारिएको छ ।

“स्पेस डकिङ प्रक्रियालाई आज पहिचान गरिएको असफल परिदृश्यको आधारमा ग्राउन्ड सिमुलेशनहरू मार्फत थप प्रमाणीकरण आवश्यक छ,” इसरोले जनाएको छ ।

इसरोले ३० डिसेम्बरमा ध्रुवीय उपग्रह प्रक्षेपण वाहन 'पिएसएलभी–सी ६०', एसडीएक्स ०१ 'चेजर' र एसडीएक्स ०२ 'लक्ष्य' का साथ स्पाडेक्स मिशन प्रक्षेपण गर्यो ।