सार्वजनिक यातायात : सरकार भाडा दर मात्र बढाउँछ छैन सुधारका योजना [ फोटो फिचर ]

२३ पुस, काठमाडौं । हिजो सोमबारबाट लागु हुने गरी सरकारले सार्वजनिक सवारी साधनको भाडा दर बढाएको छ। यातायात व्यवस्था विभागले हिजाेबाट लागु हुने गरी यात्रु बाहक सवारी साधनको ३.३ प्रतिशतले भाडा वृद्धि गरेको जनाएको थियो । 

तर अहिले भने सरकार, यातायात व्यवसायी र यातायात मजदुर बीचको छलफल तथा समझदारीबाट भाडा दर निर्धारण नगरी भाडा दर समायोजन कार्यविधिका आधारमा मुख्यतया तीन अवस्थामा भाडा दर निर्धारण गरिएको छ ।  
 
इन्धनको मूल्य पाँच प्रतिशत बढेको वा घटेको अवस्थामा त्यसै गरी हरेक वर्ष विभिन्न पाँच सूचक पारिश्रमिक, टायर, सञ्चालन खर्च, ह्रास कट्टी तथा मुनाफालाई आधार बनाएर र पाँच वर्षमा एक पटक पुनः सबै सूचकहरुलाई विश्लेषण गरेर ।

तर यी सबै अवस्थामा भाडा दर समायोजन गर्ने सरकार सार्वजनिक यातायात सुधारमा चाहिँ त्यति ध्यान नदिएको देखिन्छ । अहिले पनि यात्रुहरूले सार्वजनिक सवारी साधन चढ्न ठेलामठेल गर्नु पर्ने, घण्टौंसम्म कुर्नु पर्ने, उभिएर र झुन्डिएर यात्रा गर्नु पर्ने अवस्था जस्ताको त्यस्तै छ । तस्बिर : नेपाल फोटो लाइब्रेरी ।