नारायणी डेभलपमेन्ट बैंकको ९४ हजार कित्ता संस्थापक शेयर बिक्रीमा

२४ पुस, काठमाडौं  । नारायणी डेभलपमेन्ट बैंकले संस्थापक शेयर बिक्रीमा ल्याएको छ । बैंकले संस्थापक शेयरधनीहरुको नाममा रहेको ९४ हजार ४३५ कित्ता संस्थापक शेयर बिक्रीमा ल्याएको हो । यसमा विद्यमान संस्थापक शेयरधनीहरुले मात्र आवेदन दिन सक्नेछन् । 

सेयर खरिद गर्न इच्छुक लगानीकर्ताले आजबाट ३५ दिनभित्र बैंकको केन्द्रीय कार्यालय रत्ननगर–१, टाँडी, चितवनमा आफूले के कति शेयर खरिद गर्ने सो को व्यहोरा खुलाई आवेदन फारम बुझाउन पर्नेछ । 

तोकिएको मितिभित्र विद्यमान संस्थापक शेयरधनीहरुले शेयर खरिद नगरेमा सो शेयर सर्वसाधारण लगानीकर्ताले समेत किन्न सक्ने गरी बिक्री खुला गरिनेछ ।