लायन्सले वितरण गर्यो बेथानका बाढीपीडितलाई जस्ता

पुष २३, काठमाडौं । लायन्स क्लब ३२५ के ले काभ्रे जिल्लाको बेथान गाउँपालिकाका बाढीपीडितहरुलाई जस्ता पाता वितरण गरेको छ । बाढीपीडितलाई राहत स्वरुप लायन्सले जस्ता उपलब्ध गराएको हो । शनिवार बेथान गाउँपालिका कार्यालयमा लायन्स डिष्ट्रिक डारेक्टर नीरा बज्राचार्यको नेतृत्वमा जस्ता पाता वितरण गरिएको हो । 

लायन्स ३२५ के डिष्ट्रिक गभर्नर नीरा बज्राचार्य, बेथान गाउँपालिकाका अध्यक्ष भगवान अधिकार र बाढीपीडित सहजकर्तासहित लायन्स क्लबका इन्टरनेशनल डाइरेक्टर बालकृषण बुर्लाकोटीको रोहबरमा पीडितलाई जस्ता पाता वितरण गरिएको थियो । गत १० असोजदेखि १२ असोजसम्म आएको वर्षाले बेथानमा धेरै क्षति पुर्याएको थियो । कार्यक्रममा लायन्स लिडरहरुको उल्लेख्य उपस्थिति रहेको जोन चियर पर्सन राजकुमार बस्नेतले जानकारी दिए ।