माघे संक्रान्तिका दिन सुनचाँदी दुवैको मूल्य घट्यो

१ माघ, काठमाडौं । सुनको मूल्यमा सामान्य गिरावट आएको छ । अघिल्लो दिनको तुलनामा छापावाल सुनको मूल्य तोलामा ८०० रूपैयाँले गिरावट भएको हो ।

नेपाल सुनचाँदी व्यवसायी महासंघका अनुसार आज सुन प्रतितोला घटेर १ लाख ५५ हजार रुपैयाँमा कारोबार भइरहेको छ । जबकी, हिजो तोलामा १ लाख ५५ हजार ८०० रुपैयाँमा कारोबार भएको थियो ।

माघे संक्रान्तिको दिनमा चाँदीको मूल्य पनि घटेको छ । आज १ हजार ८२० रुपैयाँ कायम हुँदा हिजो १ हजार ८६० रुपैयाँमा कारोबार भएको थियो ।