राष्ट्रपतिले जारी गरेका अध्यादेश सार्वजनिक गरिने

२ माघ, काठमाडौं । सरकारले राष्ट्रपति रामचन्द्र पौडेलले हालै जारी गरेका अध्यादेश सार्वजनिक गर्ने भएको छ । बुधबार सिंहदरबारमा एक कार्यक्रमबीच प्रधानमन्त्री केपी शर्मा ओलीले राष्ट्रपतिबाट जारी भएका अध्यादेशका विषयवस्तु सार्वजनिक गर्ने बताइएको छ । 

प्रधानमन्त्रीको सचिवालयका अनुसार प्रधानमन्त्री तथा मन्त्रिपरिषद्को कार्यालयको सगरमाथा हलमा आयोजना हुन लागिएको कार्यक्रममा संचारमाध्यमहरुलाई निमन्त्रण गरिएको छ । सरकारले पुस २६ गते विभिन्न ५ अध्यादेश ल्याएको थियो । जसमध्य राष्ट्रपति कार्यालयले ४ अध्यादेश जारी गरेको थियो । राष्ट्रपति कार्यालयले भूमिसम्बन्धी अध्यादेश संवेदनशील भन्दै रोकेको छ ।