त्रिशूली ३ बी सवस्टेशन निर्माणको अवरोध हट्यो, आयोजनास्थलमा सुरक्षाकर्मी परिचालन
![इन्द्र रिजाल](
https://nepalbahas.prixacdn.net/media/albums/Indra_Rijal_MwZXtSM0ir.jpg
)
इन्द्र रिजाल
जेठ ४, २०७६ शनिबार १३:३७:२६
![](https://nepalbahas.prixacdn.net/media/albums/nuwakot_HYEvn45cjV-1_uRxj7l6cqy.jpg)
काठमाडौं । त्रिशूली नदी बेसिनमा निर्माणाधीन र निर्माणमा जाने तयारीमा रहेका करीब ६०० मेगावाट विद्युत् राष्ट्रिय प्रसारणमा जोड्न महत्वपूर्ण मानिएको त्रिशूली थ्री बी हव सवस्टेशन निर्माणमा देखिएको अवरोध हटेको छ ।
केही स्थानीयले विभिन्न माग राखी दुई दिनदेखि गरेको अवरोध आजदेखि हटेको र निर्माण शुरु भएको नेपाल विद्युत् प्राधिकरणले जनाएको छ । सो सबस्टेशनको क्षमता २२० केभी रहेको छ । नुवाकोटको किस्पाङ गाउँपालिका–५ पहिरेबेंसीमा निर्माणाधीन सवस्टेशनको काम केही स्थानीयले नियतबस रोकेको प्राधिकरणको भनाइ छ ।
त्रिशूली नदी किनारमा बनिरहेको सवस्टेशनमा रसुवाको उत्तरगया–४ का केही स्थानीयले निर्माणमा अवरोध गरेका थिए । नेपाल विद्युत् प्राधिकरणका कार्यकारी निर्देशक कुलमान घिसिङले बिहीबार आयोजनाको निर्माणस्थल निरीक्षण गरेका हुन् ।
“नियतबस काममा अवरोध गरेको पाइयो, त्यही भएर जिल्ला प्रशासन कार्यालय नुवाकोटलाई सुरक्षा प्रबन्ध गरिदिन आग्रह गरिएको छ । आयोजनास्थलमा नेपाल प्रहरी र सशस्त्र प्रहरी बल परिचालन भएको छ”, घिसिङले भने । कार्यकारी निर्देशक घिसिङको आग्रहपछि जिल्ला प्रशासन कार्यालय नुवाकोटले आयोजनास्थलमा सुरक्षाकर्मी परिचालन गरेको छ ।
यो सबस्टेसन आगामी एक वर्षभित्र निर्माण सम्पन्न गर्ने लक्ष्य राखिएको छ । रसुवामा निर्माणाधीन १११ मेगावाटको रसुवागढी, ४२.५ मेगावाटको साञ्जेन, १४.८ मेगावाटको माथिल्लो साञ्जेन जलविद्युत् आयोजनाको विद्युत् राष्ट्रिय प्रणालीमा जोड्नका लागि सोही सबस्टेशनको निर्माण सकिनैपर्ने हुन्छ ।
त्रिशूली नदी किनारमा सवस्टेशनको पर्खाल लगाउँदा स्थानीयले विरोध गरेका थिए । आयोजनाले बगरमा निर्माण गरिरहेको पर्खालमाथि सार्न माग गरेका थिए । स्थानीयको मागलाई प्राधिकरणले सम्बोधन गरिसकेको छ । त्रिशूली नदी बेसिनमा निर्माणाधीन र निर्माण हुने करीब ६०० मेगावाटको विद्युत् राष्ट्रिय प्रणालीमा जोड्न सबस्टेशनको निर्माण गर्न लागिएको हो ।
आयोेजनामा नेपाल सरकार तथा प्राधिकरणको लगानी एवं जर्मन विकास बैंक, युरोपेली लगानी बंैकको सहुलितपूर्ण ऋण रहनेछ । आयोजनाको अनुमानित लागत एक करोड ६० लाख अमेरिकी डलर रहेको छ । सबस्टेशनको अगामी पुसभित्रमा सम्पन्न गर्ने लक्ष्य राखिएको छ ।
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपबाढीले पानी धमिलिएपछि अम्बाथानस्थित मेलम्ची सुरुङको मूलद्वार आजदेखि बन्द हुने
असार १०, २०८१ सोमबार
भोजपुरको वैकुण्ठेमा विद्युत् विस्तार भएपछि स्थानीयको दैनिकीमा परिवर्तन
असार ९, २०८१ आइतबार
खानेपानी सुविधाले ल्याएको खुसी
असार ९, २०८१ आइतबार
टेलिकमको बिलिङ प्रणालीमा अर्ब बढी हिनामिना आरोपमा मुद्दा चलाउने अख्तियारको तयारी
असार ११, २०८१ मंगलबार
विदेशबाट आएका कामतको होटलमा शङ्कास्पद मृत्यु, साथमा आएकी परस्त्री फरार
असार ११, २०८१ मंगलबार
मुख्यसचिवका दाबेदार गृहसचिव अर्याल ढुक्कै विदेश भ्रमणमा
असार ११, २०८१ मंगलबार
अस्ट्रेलिया विश्वकपबाट बाहिरिएपछि डेभिड वार्नरले लिए सन्यास
असार १२, २०८१ बुधबार
ओखलढुङ्गामा पहिरोले घरगोठ पुरिँदा एकजनाको मृत्यु, दुई घाइते
असार १२, २०८१ बुधबार
स्वस्तिमा र साम्राज्ञीको अभिव्यक्ति विवादमा, जसिता र अनमोलले के भने ?
असार १२, २०८१ बुधबार
नेपाल आइडल विजेता करण परियारलाई प्रधानमन्त्रीले दिए बधाई, गितार उपहार
असार १२, २०८१ बुधबार
एसइईको नतिजा आज सार्वजनिक गर्ने तयारी
असार १२, २०८१ बुधबार