सभापति देउवा भन्छन, ‘लोकतन्त्रमाथि नै खतराको संकेत देखा पर्यो’

काठमाडौं । नेपाली कांग्रेसका सभापति शेर बहादुर देउवाले लोकतन्त्रमाथि नै खतराको संकेत देखा परेको बताएका छन् ।

नेपाली कांग्रेसको केन्द्रीय नीति, अनुसन्धान तथा प्रशिक्षण प्रतिष्ठानद्धारा मंगलबार काठमाडौंमा आयोजित गणतन्त्रको एक दशक बिषयक कार्यक्रममा सभापति देउवाले राज्यका हरेक निकायलाई नियन्त्रणमा लिएर सरकारले लोकतन्त्रमाथि हस्तक्षेप गर्न खोजेको र यसले लोकतन्त्र नै खतरामा पर्न सक्ने बताएका हुन् ।

उनले सरकारले कानून बनाउने नाउमा लोकतन्त्र विरोधी बिधेयक ल्याएको पनि बताए । सरकारले न्यायलयमा हस्तक्षेप गरेको , प्रेसलाई नियन्त्रणमा लिन खोजेको र अन्य निकायलाई पनि आफ्नो कव्जामा लिन खोजेको उनले आरोप लगाए ।

सभापति देउवाले सरकार प्रजातन्त्रलाई कमजोर पार्दै गलत बाटोमा हिड्न खोजे आन्दोलन गर्नुपर्ने अबस्था आउन सक्ने चेतावनी दिए ।

उनले मुलुकमा देखिएका बिभिन्न समस्याको समधानका निम्ती काग्रेस एकढिक्का भएर अघि बढ्नुपर्ने धारणा पनि राखे ।