बयलगाडा चढेर आएको गणतन्त्रमा केपी ओलीको धारिलो तरबार
इन्द्र रिजाल
जेठ १५, २०७६ बुधबार २१:९:४६
प्रधानमन्त्री केपी शर्मा ओली पक्षले दुई महिनाअघि आरोप लगायो – वरिष्ठ नेता माधवकुमार नेपालको एउटा खुट्टो सधैं विदेशमा रहन्छ । हुन पनि वर्षको झण्डै पाँच महिना त उनले विदेशमै सयर गरेछन् । महत्वपूर्ण निर्णय लिने बेला सधैं कमरेड माधव विदेश यात्रामा रहेकोले समस्या पर्दा यस्तो कुरो आएको होला ।
अर्काे कुरा , ओली सरकार बनेपछि अनावश्यक विदेश यात्रा गर्न नदिने गरी सरकारी अधिकारीलाई कस्ने नीति लिइयो । दुई चार महिना रोकेको जस्तो पनि देखियो । तर अहिले हेर्ने हो भने इतिहासमै नभएको विदेश यात्रा गर्ने सूचीमा ओली र उनको संयन्त्र परेको छ । भोलि विहिबार भारतीय प्रधानमन्त्री नरेन्द्र मोदीको शपथग्रहण समारोहमा सहभागी हुन ओलीको टोली दिल्लीको सयर गर्दैछ । दिल्लीबाट फर्के लगत्तै उनी फेरि साताव्यापी युरोप यात्रामा निस्कँदै छन् । भर्खरै मात्र स्वीट्जरल्याण्डको डाभोसमा आयोजित विश्व आर्थिक मञ्चको वैठकमा सहभागी भएका ओली निरन्तर विदेश यात्रामा निस्केका छन् । राष्ट्रसंघको महासभामा पनि भाग लिएका ओलीको रुची माधव कमरेड भन्दा कम छैन ।
आन्दोलनकारीले गणतन्त्रको नारा उराल्न थालेपछि ओलीले भनेका थिए– बयलगाडा चढेर अमेरिका पुग्न सकिन्न । तर बयलगाडा रुपी आन्दोलनले मुलुकलाई राजतन्त्रबाट मुक्त तुल्याइदियो र त्यसैको जगमा स्थापना भएको गणतन्त्र नेपालको प्रधानमन्त्री पदमा उनै आसिन छन् । आज तिनै पत्रकारलाई तह लगाउने गरी नियन्त्रणमुखी कानून निर्माण गर्न सरकार कस्सिएको छ ।
प्रधानमन्त्री ओली मात्र होइन, राष्ट्रपति विद्यादेवी भण्डारीलाई पनि विदेश सयर गराउन ओली पछि परेका छैनन् । युरोप , अमेरिका होस् वा भारत चीनको यात्रा गराउने उनको अभियानले निरन्तरता पाइरहेको छ । अहिले उपराष्ट्रपति नन्दबहादुर पुन युरोपको अष्ट्रिया भ्रमणमा छन् । निजामती कर्मचारीको तथ्याङ्क हेर्ने हो भने कहाली लाग्दो छ । प्राय हरेक दिन मन्त्री, सचिव वा सहसचिवको टोली विदेश सयर गरिरहेका हुन्छन् । यसबाट नेपालले के कति लाभ उठायो , त्यसको तथ्य तथ्याङ्क भने सार्वजनिक भएको छैन ।
दुई तिहाई नजिकको मत पाएर बनेको सरकारको नेतृत्व गरेका ओलीले नेपाली जनताको तन र मन छुने कुनै काम गरेको देखिएन । बरु यस अवधिमा ओली सरकारले गरेका काम जनविरोधी र मन दुखाउने धेरै छन् । आजको पूर्ण लोकतन्त्रको ब्याज ओलीलगायत सत्तामा बसेकाले मजाले खान पाएका छन् । देशमा संकट र अफ्ठेरो पर्दा भने पेशागत संघ संगठन सडकमा ओर्लिएको र त्यसैको बलमा लोकतन्त्र पुर्नवहाल भएको यर्थाथ लुकाउन सकिन्न । त्यो अभियानको नेतृत्व नेपाल पत्रकार महासंघले गरेको थियो । लोकलाई थाहा भएकै हो – ०५९ माघ १९ पछिको अवस्था । राजा ज्ञानेन्द्रले शासनसत्ता हत्याएर दलका नेतालाई पन्छाउँदा नेपाली जनताले कस्तो प्रतिक्रिया दिए । ज्ञात भएकै कुरा हो ,सात राजनीतिक दलको आन्दोलन रत्नपार्क केन्द्रित थियो ।
जनताको साथ समर्थन नपाएको राजनीतिक दलको हालत टिठ लाग्दो थियो । जब राजा ज्ञानेन्द्रले पञ्चायती भूत जगाउने गरी मानिस छानेर मन्त्रिमण्डल बनाए , अनि मानिसमा अरुचि बढ्न थाल्यो । यो क्रम अझ कसिलो बनाउने गरी राजामा पलाएको सत्ता भोकले भड्कालोमा जाक्यो । राजा ज्ञानेन्द्रका विश्वासपात्रले सञ्चारमाध्यममा धावा बोलेपछि स्थितिले कोल्टो फे¥यो । पत्रकारको कलम नियन्त्रित गर्ने रहर र भोग जागेपछि ज्ञानेन्द्रको अधोगति सुरु भएको थियो । नेपाली जनताले स्वतन्त्र प्रेसको उपभोग गर्ने स्वाद पाइसकेको थियो । त्यसैलाई कुण्ठित गर्ने ज्ञानेन्द्रको कदम नै दुर्भाग्य बन्न पुग्यो ।
ओली सरकार बैधानिक रुपमा लोकतन्त्र उल्ट्याउन लाग्यो : वरिष्ठ नेता पौडेल
स्वतन्त्र प्रेसमाथि धावा बोलेपछि पत्रकारहरु सडक आन्दोलनमा ओर्लिए । अनि मात्र राजनीतिक दलको आन्दोलनले गति लिएको हो । पत्रकार जगत सडकमा नआएसम्म राजनीतिक आन्दोलन रत्नपार्कमा सीमित थियो । त्यसैका बलमा उत्कर्षमा पुगेको ०६२–०६३ को जनआन्दोलनले ज्ञानेन्द्रलाई घुँडा टेकाएको थियो । र, नेताहरुले गुमेको सत्ता फेरि प्राप्त गरेका हुन् ।
त्यसताका अहिले प्रधानमन्त्री भएका ओलीले आन्दोलनबारे गरेको टिप्पणी अहिले पनि बेला बेला सामाजिक सञ्जालका भित्तामा शोभायमान हुने गरेका छन् । आन्दोलनकारीले गणतन्त्रको नारा उराल्न थालेपछि ओलीले भनेका थिए– बयलगाडा चढेर अमेरिका पुग्न सकिन्न । तर बयलगाडा रुपी आन्दोलनले मुलुकलाई राजतन्त्रबाट मुक्त तुल्याइदियो र त्यसैको जगमा स्थापना भएको गणतन्त्र नेपालको प्रधानमन्त्री पदमा उनै आसिन छन् । आज तिनै पत्रकारलाई तह लगाउने गरी नियन्त्रणमुखी कानून निर्माण गर्न सरकार कस्सिएको छ ।
राष्ट्रिय अन्तर्राष्ट्रिय रुपमा विरोध भएपनि ओली सरकार प्रेस विरोधी कानून ल्याइछाड्ने मनस्थितिमा रहेको देखिन्छ । आफ्नै पार्टी नेताहरुले विरोध गरेका छन, तर सुनुवाई भएको छैन । प्रमुख प्रतिपक्षी दल नेपाली कांग्रेसले त यो विधेयकमाथि छलफल समेत नगर्ने सोच बनाएको छ । प्रधानमन्त्री र सञ्चारमन्त्री भने जसरी भएपनि ल्याईछाड्ने अडानमा छन् । यसको प्रभाव कस्तो पर्ला, भोलि अवश्य पनि देखिएला । प्रेस स्वतन्त्रताको हरण गर्ने स्वर र शैली भने भयंकर हो ।
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपनक्कली लाइसेन्समा यातायात व्यवस्था विभागका पूर्व महानिर्देशकहरू सीआईबीको ‘राडर’मा
बैशाख २८, २०८१ शुक्रबार
गृृहमन्त्री रविको बचाउ प्रकरणले महान्यायाधिक्ता विवादमा
बैशाख २६, २०८१ बुधबार
सीमा नाकामा सशस्त्रका एसपीमाथि निगरानी, पर्साका एसपी हेडक्वार्टरमा तानिए
नेपालबहस संवाददाता
बैशाख २७, २०८१ बिहिबार
गृृहमन्त्री रविको बचाउ प्रकरणले महान्यायाधिक्ता विवादमा
नेपालबहस संवाददाता
बैशाख २६, २०८१ बुधबार
प्रचण्डको यूटर्नले जोगिएको रवि लामिछानेको पद
विनोद त्रिपाठी
बैशाख २७, २०८१ बिहिबार
रविले चुनौती दिएपछि गगनले भने, ‘सबै स्वीकार छ, संसदीय समितिमा आउनुस्’
बैशाख २८, २०८१ शुक्रबार
गाजामा युद्ध रोक्न बाध्य पारिए इजराइल एक्लै भए पनि लड्छ : प्रधानमन्त्री नेतान्याहु
बैशाख २८, २०८१ शुक्रबार
रुखको हाँगा काटेर बाख्राहरुलाई खुवाएपछि पाँच हजार जरिवाना
बैशाख २८, २०८१ शुक्रबार
सुष्मा विसी र प्रमोद भुसालको रोइला भजन सार्वजनिक
बैशाख २९, २०८१ शनिबार
प्रधानमन्त्रीको रबैया र सभामुखको भूमिकाप्रति कांग्रेस रुष्ट
बैशाख २९, २०८१ शनिबार
बजेट बनाउन अर्थमन्त्रीको टिमभन्दा गिरोह सक्रिय, करका दरमा खेल्ने प्रयास
बैशाख २९, २०८१ शनिबार
ढकमक्क फुलेको बेगनबेली फूलले बसन्तमय तिलोत्तमा
बैशाख २९, २०८१ शनिबार
सत्ता पक्ष र प्रतिपक्षको टकराव, मुडभेडतर्फ संसद
बैशाख २९, २०८१ शनिबार
गर्मीमा युरिक एसिड बढी भएका बिरामीले कुन फलफूल खाने ?
बैशाख २९, २०८१ शनिबार