आज उपत्यकासहित पहाडी भागमा साँझपख पानी पर्ने सम्भावना !

काठमाडौं । आज काठमाडौं उपत्यकासहित देशको पहाडी क्षेत्रको मौसम बदली भैरहेको छ । स्थानीय वायुको प्रभावका कारण बिहीबार बिहान मौसम बदली भई पहाडी भूभागका केही स्थानमा पानी परेको जल तथा मौसम पूर्वानुमान महाशाखाले जनाएको छ ।

आज बिहान पहाडी भेगका धेरैजसो ठाउँमा बद्ली हुने र दिउँसो खुल्ने सम्भावना रहेको विभागले जनाएको छ । स्थानीय वायुको प्रभावका कारण बेलुका फेरि बदली भई मेघ गर्जनसहित पानी पर्ने सम्भावना रहेको मौसमविद् पौडेलले बताए ।

बुधबार बेलुका काठमाण्डौ उपत्यकामा १३ मिलिमिटर पानी परेको थियो ।

जारी मिति : जेष्ठ १६ गते (विहिबार), विहान ६:०० बजे

जेष्ठ १६ गते (विहिबार):

दिउँसो: देशका पूर्वी भु-भागमा  आंशिक देखि सामान्य बदलि,  मध्य भु-भाग लगायत पश्चिमि पहाडी भू-भागमा  आंशिक बदलि  र बाँकी भूभागमा मौसम सामान्यतया सफा रहने देखिन्छ। देशका पूर्वी भु-भागका केहि स्थानहरुमा र मध्य तथा पश्चिमि पहाडी भेगका थोरै स्थानहरुमा मेघ गर्जन सहित वर्षाको सम्भावना छ।

राति: देशका पूर्वी भु-भाग लगायत  मध्य र पश्चिमि पहाडी भू-भागमा  सामान्य वदली रही बाँकी भूभागमा मौसम सामान्यतया सफा रहने देखिन्छ। देशका पूर्वी भु-भागका केहि स्थानहरुका साथै मध्य तथा पश्चिमी पहाडी भेगका थोरै स्थानहरुमा मेघ गर्जन सहित वर्षाको सम्भावना छ।

जेष्ठ १७ गते (शुक्रबार):

दिउँसो: देशका पूर्वी तथा मध्य भागहरुमा आंशिक देखि सामान्य बदलि, पश्चिमि पहाडी भू-भागमा  आंशिक बदलि  र बाँकी भूभागमा मौसम सामान्यतया सफा रहने देखिन्छ। देशका पूर्वी तथा मध्य भु-भागका केहि र पश्चिमि पहाडी भेगका थोरै स्थानहरुमा मेघ गर्जन सहित वर्षाको सम्भावना छ।

राति: देशका पूर्वी भु-भाग लगायत मध्य तथा पश्चिमि पहाडी भू-भागमाहरुमा आंशिक देखि सामान्य बदलि, मध्य तराईका भु-भागमा  आंशिक बदली र बाँकी भूभागमा मौसम सामान्यतया सफा रहने देखिन्छ। देशका पूर्वी भाग लगायत मध्य र पश्चिमि पहाडी भागका केहि स्थानहरुमा मेघ गर्जन सहित वर्षाको सम्भावना छ।

जेष्ठ १८ गते (शनिबार):

दिउँसो: देशका पूर्वी तथा मध्य भू-भागहरुमा सामान्य बदलि रही बाँकिभू-भागहरुमा  आंशिक बदलि  रहने रहनेछ। पूर्वी तथा मध्य भु-भागका केहि र पश्चिमि पहाडी भेगका थोरै स्थानहरुमा मेघ गर्जन सहित वर्षाको सम्भावना छ।

राति: देशका पूर्वी भु-भाग लगायत मध्य तथा पश्चिमि पहाडी भू-भागमाहरुमा आंशिक देखि सामान्य बदलि,  बाँकी भूभागमा आंशिक वदली रहने छ। देशका पूर्वी भाग लगायत मध्य र पश्चिमि पहाडी भेगका  केहि स्थानहरुमा मेघ गर्जन सहित वर्षाको सम्भावना छ।