बेपत्ता भारतीय विमानको खोजीमा वायु सेनासँगै स्थल सेना परिचालन !

एजेन्सी । बेपत्ता भएको भारतीय वायु सेनाको विमानको खोजी अझै जारी छ । विमानको खोजीमा वायु सेनासँगै स्थल सेना पनि परिचालन गरिएको भारतीय सञ्चार माध्यमले जनाएका छन् ।

वायु सेनाको एएन–३२ विमान आइतबार चीनको सीमा नजिकै बेपत्ता भएको हो । आइतबार राति र सोमबार दिनभर तथा रातभर खोजी सुरु भएको बताएका छन् ।

बेपत्ता विमानको खोजीका लागि विशेष अपरेशनमा प्रयोग हुने एयरक्राफ्ट सी–१३०, एएन–३२ एस, एमआई–१७ चोपर तथा स्थल सेनाका अत्याधुनिक हेलिकप्टर प्रयोग भएका छन् ।

असमको जोरहाटबाट उडेको विमानमा १३ जना थिए । विमान उडेको ३५ मिनेटपछि राडारबाट सम्पर्क बिहीन भएको थियो ।