आज पश्चिमका एक–दुई स्थानमा मेघ गर्जनसहित पानी पर्ने सम्भावना

काठमाडौं । देशका अधिकांश क्षेत्रको मौसम शनिबार आंशिकदेखि सामान्य बदली हुने जल तथा मौसम पूर्वानुमान महाशाखाले जनाएको छ ।

पूर्व तथा मध्य क्षेत्रमा आंशिकदेखि सामान्य तथा पश्चिमका क्षेत्रमा आंशिक बदली हुने मौसमविदले बताएका छन् । पूर्व र मध्यका केही स्थानमा तथा पश्चिमका एक–दुई स्थानमा मेघ गर्जनसहित पानी पर्ने सम्भावना पनि छ ।

यस्तै हावाहुरी चल्ने सम्भावना रहेको मौसमविदको भनाई छ । केही दिन मौसम यस्तै रहने देखिएको छ ।

यसैबिच, आज मेची, विरिङ, निन्दा, कन्काई, त्रियुगा लगायत पूर्वी भागको मध्यपहाडी तथा चुरे भागबाट बहने साना खहरे खोलाहरूको केही स्थानहरूमा क्षणिक मध्यम बर्षा हुने तथा बहाव एक्कासी बढ्ने संभावना समेत भएकाले उक्त स्थानमा बर्षा भईराख्दा सामान्य सतर्कता अपनाउन विभागले अनुरोध गरेको छ ।