आज गुठी विधेयकविरुद्ध विशाल जनप्रदर्शन हुँदै [विज्ञप्तिसहित]

काठमाडौं । गुठीसम्बन्धी विधेयक खारेज नगरेसम्म आन्दोलन नरोकिने प्रतिरोध समिति संयोजक डा महेशमान श्रेष्ठले बताएका छन्।

सरकारले विधेयक फिर्ता लिदैमा आन्दोलन नरोकिने भन्दै खारेजको घोषणा आउनुपर्ने उनको भनाई छ । मंगलबार साँझ गुठी माँस्न खोजिएकाले विधेयक कुनै हालतमा खारेज हुनुपर्ने उनले बताए ।

भूमाफियालाई जग्गा हडप्ने वातावरण निर्माण गर्न सरकारले ल्याएको विधेयक सहायक बन्ने भन्दै उनले त्यसलाई रोक्न आन्दोलनको आँधीबेहरी ल्याउने चेतावनी दिए ।

सांस्कृतिक सम्पदाको रक्षा र सम्वद्र्धनको जिम्मेवारी सरकारले लिनुपर्ने उनले बताए । मंगलबार साँझ प्रेस विज्ञप्ति जारी गर्दै प्रम र मन्त्रीको बक्तव्यको भाषा र शैलीप्रति खेद प्रकट गरेका छन् ।

विज्ञप्तिमा अगाडि लेखिएको छ, मंगलबार साँझ सिहदरबारमा आयोजना गरिएको पत्रकार सम्मेलनमा सम्मानिय प्रधानमन्त्रीले बोलेका अभिव्यक्ति प्रति पनि खेद प्रकट गरिएको छ ।

यसैबीच, पूर्व घोषित कार्यक्रम अनुसार नै गुठी विधेयकको विरूद्धमा साझा पार्टीले पनि निरन्तर एक्यवद्धता जनाउँदै आएको छ। आज बिहान ११ बजे माइतीघर मण्डलमा गुठी विधेयक विरूद्ध हुन लागेको विशाल गैर(राजनीतिक जनप्रदर्शनमा एक्यवद्धता जनाउन स्वतन्त्र नागरिकका रूपमा उपस्थित हुने साझाका संयोजक रविन्द्र मिश्रले बताएका छन् । साथै उनले जनप्रदर्शनमा सरकारको रवैयाले सीमा नाघिसकेको छ। आउनोस्, अब बौलौँ भन्दै सबैलाई सहभागी हुन आग्रह पनि गरेका छन् ।