कम्बोडियामा निर्माणाधीन साततले भवन भत्किँदा १५ को मृत्यु, २४ घाइते !!

एजेन्सी । कम्बोडियाको सिहानोक्भाइल शहरमा सात तले भवन भत्किँदा १५ जनाको मृत्यु भएको छ । चिनियाँ कम्पनीले निर्माणको ठेक्का लिएको निर्माणाधीन अवस्थाको सो भवन भत्किँदा ठूलो क्षति भएको हो ।

घटनामा २४ जना घाइते भएका छन् । भवनको भग्नावशेषमा पुरिएका केही मानिस भने अझै हराइरहेकोले खोजी तीब्र पारिएको छ ।

घटनापछि भवन निर्माणको जिम्मा लिएको कम्पनीका चार जना कर्मचारीलाई पक्राउ गरी अनुसन्धान थालिएको छ ।मृत्यु हुनेमा तीन जना कम्बोडियन नागरिक, दुईजना कामदार र दोभाषे रहेको जनाइएको छ ।