इरानविरुद्ध उभिन साउदी र युएईलाई अमेरिकाको नैतिक दवाब

काठमाडौं । अमेरिकी विदेशमन्त्री माईक पोम्पेओले सोमबार साउदी अरबका राजासँग भेटवार्ता गरेका छन् । अमेरिकी राष्ट्रपति डोनाल्ड ट्रम्पले हवाइ आक्रमण गर्न अन्तिम मिनेटमा नदिएको बताएको भोलिपल्ट विदेशमन्त्री पोम्पेओले साउदी अरबका राजासँग भेटवार्ता गर्नुलाई अर्थपूर्ण र इरानविरुद्ध उभिन साउदी अरबलाई नैतिक दबाब दिएको भनी अन्तराष्ट्रिय समाचार माध्यमले खबर प्रशारण गरेका छन्।

वासिङ्टन र तेहरानबीच पछिल्लो समय बढ्दै गएको तिक्तताका बारेमा उनीहरुबीच कुराकानी भएको अधिकारीहरुले जनाएका छन् । अमेरिका र इरान दुवै पक्षले युद्व नचाहेको बताउदै आए पनि विवाद भने नसुल्झिएकाले अमेरिकाले विभिन्न पक्षसँगको छलफललाई तीव्र बनाएको छ ।

यही शिलशिलामा विदेशमन्त्री पोम्पेओले साउदी राजा सल्मान र राजकुमार मोहम्मदबीच सल्मानसँग रेड सी मा भेटवार्ता गरेका हुन् । उनले युएइका नेताहरूसँग पनि कुराकानी गरिसकेका छन् । इरान विरुद्धको शसक्त गठबन्धनका लागि अमेरिकाले भेटवार्तालाई तीव्रता दिएको बताइएको छ । एजेन्सी