आजबाट देशभर मनसुन सक्रिय, छिनमै घाम लाग्ने छिनमै पानी पर्ने !

काठमाडौं । यो पटक गएको वर्षभन्दा दश दिन ढिलो गरी भित्रिएको मनसुन बिहीबार आजदेखि देशभर सक्रिय भएको छ । देशको मध्य र पूर्वी भू-भागमा मनसुन बढी सक्रिय रहेको र पश्चिमी क्षेत्रमा न्यूनचापीय रेखा बनेकाले मनसुन कम सक्रिय रहेको जल तथा मौसम पूर्वानुमान महाशाखाका मौसमविद् मञ्जु बासीले बताइन।

उनका अनुसार यो समयमा वर्षा लगातर नभई छिनमै घाम लाग्ने छिनमै पानी पर्ने हुन्छ । आज देशको पूर्वी र मध्य भू-भागको तुलनामा पश्चिमी भू(भागमा कम वर्षा हुने मौसम पूर्वानुमान महाशाखाले जनाएको छ ।

पश्चिममा बनेको न्यूनचापीय रेखाले पश्चिमी भू–भागहरुमा मनसुन कम सक्रिय भएको महाशाखाका मौसमविद् बासीले बताए । राति देशको मध्य र पूर्वी भू–भागमा सामान्यदेखि पूर्ण बदली रही पश्चिमी भू-भागमा आंशिक बदली रहने मौसम पूर्वानुमान महाशाखाले जनाएको छ ।