जि–२० को शिखर सम्मेलन जापानको ओसाकामा शुरु [फोटोफिचर]

एजेन्सी । बीसवटा औद्योगिक राष्ट्रको समूह ‘जि–२०’को शिखर सम्मेलन शुक्रबारदेखि जापानको ओसाका शहरमा शुरु भएको छ । सो सम्मेलनको शुक्रबार बिहान ओसाका शहरमा जापानी प्रधानमन्त्री सिन्जो आबेले औपचारिक रुपमा उद्घाटन गरेका हुन् ।

सो सम्मेलनमा सहभागी हुन चिनियाँ राष्ट्रपति सी चिनफिङ लगायतका छिमेकी देशका सरकार प्रमुख बिहीबार नै जापानको ओसाका शहर पुगेका हुन् ।विश्वमा हाल कतिपय विषयको व्यापारमा प्रमुख औद्योगिक राष्ट्रहरुका बीचमा मतान्तर कायम रहेकै समयमा विश्वका ती औद्योगिक राष्ट्रहरुको उक्त समूहको सम्मेलन शुरु भएको हो ।