धान राेपाइँका विभिन्न दृश्यहरू (फाेटाेफिचर)

काठमाडाैं । आइतबार असार १५ अर्थात् धान दिवस । आज देशभर धान राेपाइँका विभिन्न दृश्यहरू देखिएका छन् । तिनै तस्विरहरू तल हेर्न सक्नुहुनेछ :

माथिकाे तस्विर बाँकेको कोहलपुर नगरपालिका–१३ स्थित खड्कवारमा प्रदेश ५ भूमी, व्यवस्था, कृषि तथा सहकारी मन्त्रालयले आयोजना गरेको १६ औं राष्ट्रिय धान दिवस तथा रोपाइँ महोत्सव–२०७६ काे हाे । जहाँ कृषि प्रविधिमार्फत प्रदेश कृषिमन्त्री आरती पौडेलले धान रोप्दै गरेकाे देखिएकाे छ । तस्वीर : काशीराम शर्मा ।

गाउँ पर्यटन प्रबन्ध मञ्च नेपाल, धुुनीबँशसी अर्घानी कृषि पर्यटकीय उद्यान तथा अनुुसन्धान केन्द्रको संयुक्त आयोजनामा धादिङको धुनीबेँशी नगरपालिका– २ महेश फाँटमा भएको रोपाइँ महोत्सवमा गोरु जोत्दै किसान । तस्वीर : चन्द्रकला क्षेत्री ।

गाउँ पर्यटन प्रबन्ध मञ्च नेपाल, धुुनीबँशसी अर्घानी कृषि पर्यटकीय उद्यान तथा अनुुसन्धान केन्द्रको संयुक्त आयोजनामा धादिङको धुनीबेँशी नगरपालिका– २ महेश फाँटमा भएको रोपाइँ महोत्सवमा हिलोमा रमाउँदै युुवायुुवती । तस्वीर : चन्द्रकला क्षेत्री ।

गाउँ पर्यटन प्रबन्ध मञ्च नेपाल, धुुनीबेँशी अर्घानी कृषि पर्यटकीय उद्यान तथा अनुुसन्धान केन्द्रको संयुक्त आयोजनामा धादिङको धुनीबेँशी नगरपालिका– २ महेश फाटमा भएको रोपाइँ महोत्सवमा धान रोप्दै महिला । तस्वीर : चन्द्रकला क्षेत्री ।

आइतबार धान दिवसको अवसर पारेर घोराहीको हापुरे गाउँमा आयोजना गरिएको रोपाइँ कार्यक्रममा हलो जोत्दै दाङका प्रहरी प्रमुख वेलबहादुर पाण्डे । फोटो : रीता लामा ।

आइतबार धान दिवसको अवसर पारेर घोराहीको उपमहानगरपालिका कृषि शाखा र कृषि ज्ञान केन्द्रको आयोजनामा हापुरे गाउँमा आयोजना गरिएको रोपाइँ कार्यक्रममा रोपाइँमा सहभागी प्रमुख जिल्ला अधिकार गोविन्द रिजाल, कृषि ज्ञान केन्द्रका प्रमुख कृष्ण बस्नेत, प्रहरी प्रमुख बेलबहादु पाण्डे, र घोराही उपमहानगरपालिकाकी उपप्रमुख सीता सिग्देल न्यौपाने । तस्वीर : रीता लामा ।

सुदूरपश्चिम प्रदेशका उद्योग, पर्यटन वन तथा वातावरण राज्यमन्त्री प्रकाश रावल भीमदत्तनगरपालिकाले आयोजना गरेको १६ औँ राष्ट्रिय धान दिवसका अवसरमा भीमदत्तनगरपालिका–१९ बागफाँटामा मन्तव्य राख्दै । तस्वीरः शेरबहादुर सिंह

सोहौँ धान दिवसको अवसमा आइतबार पश्चिम चितवनको दिव्यनगरमा आयोजित कार्यक्रममा धान रोप्दै संघीय सांसद कृष्णभक्त पोख्रेलसहितका अतिथि । तस्वीर : नारायण अधिकारी ।

कञ्चनपुरको कृष्णपुर नगरपालिका बञ्जरियाका किसान आधुनिक प्रविधिको सहायताले खेतमा धान रोप्दै । तस्वीर ः राजेन्द्रप्रसाद पनेरु