विवाहित महिलाको अविवाहित नागरिकता बनाउन वडाध्यक्ष सक्रिय, सिडियो भन्छन “मलाई थाहा छैन” !

स्याङ्गजा । हामी सबैले नागरिकता लिएपछि वा बनाएपछि मात्र यो देशको आधिकारिक नागरिक कहलिन्छ । तपाई हामी सबैलाई थाहा छ कि राज्यको नियमानुसार एक ब्यक्तिले दुइ वटा नागरिकता लिन मिल्दैन तर स्याङ्गजाको चापाकोट नगरपालिका वडा नं ७ मा भने यो नियम भन्दा बाहिर रहेर एकै ब्यक्तिले दुइ वटा नागरिकता बनाएको पाइएको छ ।

वालिङ नगरपालिका वडा नं ७ निवासी जीवन सोतीको श्रीमती चित्रा थापाको चापाकोट नगरपालिका वडा नं ७ बस्ने अविवाहित नागरिक भनि सुदिक्षा थापाको नाममा दोश्रो नागरिकता बनाइएको खुल्न आएको छ । गत २०७५ कार्तिक महिनामा चा न. पा ७ का वडाध्यक्ष रविचन्द्र बस्ताकोटीले गरेको सिफारिसपत्र फेला परेपछि यो कुरा बाहिर आएको हाे ।

स्याङ्गजाका प्रमुख जिल्ला अधिकारी कोशहरी निरौला यो विषयमा अनविज्ञ !

वडाध्यक्षको मिलेमतोमा फर्जी नागरिकता बनाएको भन्ने खवर बाहिरिएपछि वडाध्यक्ष बस्ताकोटीलाई हामीले वास्तविक कुरा बुझ्न− फोन सम्पर्क गरी सोध्दा उनले भने,‘ गल्ती भो, मलाई थाहा थिएन, सिडियो कार्यालयमा बोलाको छ म त्यतै जादै छु, बाटोमा छु मलाई झुक्काएर सिफारिस गराए ।

चित्रा थापाले सुदिक्षा थापाको नाममा दाश्रो नागरिकता बनाएको र जन्मदर्ता समेत त्यहि दिनमा नै बनाएको समेत खुल्न आएको छ ।
त्यस्तै हामीले पटक पटक सम्पर्क गर्दा पनि दाश्रो नागरिकता लिने चित्रा थापालाई भने फोन सम्पर्क हुन सकेन । उनले वालिङ नगरपालिका ७ मा जीवन सोतीको श्रीमती चित्रा थापाको नाममा नागरिकता लिइसकेकी थिइन ।

यता जिल्ला प्रशासन कार्यालय स्याङ्गजाका प्रमुख जिल्ला अधिकारी कोशहरी निरौलाले भने आफु यो विषयमा अनविज्ञ रहेको बताए । निरौलाले नेपाल बहससँग भने,‘यो विषयमा मलाई थाहा छैन बोलाएको हुन सक्छ ।, यत्तिकै केहि भन्न सक्दिन । ’
तत्कालिन वडा सचिवले भने आफु त्यो दिन कार्यालयमा नभएको बताएकी छन् । चापाकोट नगरपालिकामा यस्ता घटनाहरु बेलाबेलामा भइरहेको पाइएको छ ।