आज केही ठाउँमा हल्कादेखि मध्यम खालको वर्षाको सम्भावना !

काठमाडौं । देशभरको मौसम बिहीबार सामान्य बदली हुने जल तथा मौसम पूर्वानुमान महाशाखाले जनाएको छ ।देशका केही ठाउँमा हल्कादेखि मध्यम खालको वर्षाको सम्भावना रहेको मौसमविदले बताएका छन् ।

न्यून चापीय रेखा नेपाल नजिक अझै नआएकाले मनसुन सक्रिय हुन सकेको छैन । यो वर्षको मनसुन अघिल्ला वर्षको तुलनामा फरक देखिएको मौसमविदको भनाई छ ।

पानी पार्ने वायु सामान्यतया पूर्वबाट उत्तर पश्चिमतिर बहनु पर्नेमा अहिले पूर्वबाट पश्चिमतिर लागेको जनाइएको छ । बिहीबार दिनभरजसो देशभरको मौसम घरी घाम लाग्ने र घरी बलदीको अवस्थामा रहने छ ।