पूर्वराजा ज्ञानेन्द्र शाहको जन्मोत्सवमा राजारानी अंकित टि-सर्ट

काठमाडौं । पूर्वराजा ज्ञानेन्द्र शाहको ७३ औ जन्मोत्सवको अवसरमा राजारानी अंकित टिसर्ट बाडिने भएको छ ।आजको आवस्यकता संबैधानिक राजसंस्था र सनातन हिन्दु अधिराज्य नेपालको पुनःस्थापना भन्ने मुल नाराका साथ ‘देश र श्रीपेच जोगाउने’ अभियान चलाइरहेको वीर गोर्खाली अभियानले पुर्वराजा शाहको जन्मोत्सव दरबार परिसरमा मनाउने भएको हो ।

वीर गोर्खालीले सो अबसरमा राजारानी अंकित टि-सर्ट बितरण गर्ने जनाएको छ । पछिल्लो समय देश र जनताको सुरक्षाका लागि राजसस्था मात्रै अवको विकल्पको आवाज समेत चर्को रूपमा उठिरहेको छ ।

वीर गोर्खालीका एक अभियान्ता नरेन्द्र देउजाका अनुसार हाल टि-सर्ट व्यवस्थापनको कार्य धमाधम भैरहेको छ । जन्मोत्सवका अबसरमा आयोजित कार्यक्रममा सहभागी हुने सवैलाई सम्भव त राजारानीको तस्वीर अंकीत टिसर्ट बाडिने छ ।

पुर्वराजा शाहको जन्मदिन यहि असार २३ गते सोमबारको दिन हुने उक्त कार्यक्रममा सहभागीका लागि सम्पुर्ण देशभक्त,राजावादी,सामाजिक अभियान्तालाई आव्हान गरिएको छ । वीर गोर्खालीले आफ्नो शक्ति प्रदर्शन गर्नका लागि पनि नारायणहिटी दरबार परिसरमा यो कार्यक्रम राखेको कतिपयले आसङ्का गरेका छ्न ।

तर पुर्वराजा ज्ञानेन्द्र शाहले यो वर्ष आफ्नो जन्मोत्सव नमनाउने भएका छ्न । पुर्व राजा शाहको ७३औ शुभ जन्मोत्सवका अबसरमा यस बर्ष कुनै औपचारिक कार्यक्रम राखिएको छैन ।